الەم • 24 قازان، 2021

رەسەيدىڭ ساراتوۆ قالاسىندا سنارياد جارعان ادام قايتىس بولدى

72 رەت كورسەتىلدى

رەسەيدىڭ ساراتوۆ قالاسىنىڭ تەرگەۋ ورگاندارى سنارياد جارىلىسىنان مەرت بولعان ەر ادامعا قاتىستى تەكسەرۋ جۇرگىزىپ جاتىر. مەرت بولعان ادام ءۇيىنىڭ اۋلاسىندا سناريادتى تەمىر كەسكىش قۇرالمەن كەسپەك بولعان، دەپ حابارلايدى Egemen.kz.

بۇل تۋرالى رەسەيلىك TACC اگەنتتىگى ساراتوۆ وبلىسى تەرگەۋ كوميتەتىنىڭ ءباسپاسوز قىزمەتىنە سىلتەمە جاساپ اقپارات تاراتتى.

«56 جاستاعى ەر ادامنىڭ مەرت بولۋىنا بايلانىستى تەرگەۋگە دەيىنگى تەكسەرۋ ۇيىمداستىرىلدى. الدىن الا مالىمەت بويىنشا، 23 قازان كۇنى كۇندىز 56 جاستاعى ەر ادام ءوزىنىڭ ءۇيىنىڭ اۋلاسىندا تەمىر كەسەتىن قۇرالدىڭ كومەگىمەن سناريادتى كەسپەك بولعان. سول ساتتە سنارياد جارىلعان. وقيعا ورنىنا شۇعىل جەتكەن توتەنشە جاعدايلار مەن جەدەل جاردەم قىزمەتىنىڭ ماماندارى ەر ادامدى قۇتقارا المادى»، دەلىنگەن حابارلامادا.

ەر ادامنىڭ وقيعا ورنىندا مەرت بولعانى ايتىلدى. وقيعانىڭ قالعان ءمان-جايى ءالى ناقتىلانىپ جاتىر. سوت-مەديتسينالىق جانە جارىلىس-تەحنيكالىق ساراپتاۋ تاعايىندالدى.

سوڭعى جاڭالىقتار

ۇقساس جاڭالىقتار