قازاقستان • 23 قازان، 2021

كەمەلبەك ويشىباەۆ تۇركيانىڭ ءىرى مەدياحولدينگى «TRT» باسشىسىمەن كەزدەستى

142 رەت كورسەتىلدى

قر اقپارات جانە قوعامدىق دامۋ ۆيتسە-ءمينيسترى كەمەلبەك ويشىباەۆ تۇركى كەڭەسى مەديافورۋمىنىڭ جۇمىسى اياسىندا «TRT» مەملەكەتتىك مەدياحولدينگىنىڭ باسشىسى مەحمەت سوبادجيمەن كەزدەستى، دەپ حابارلايدى Egemen.kz

كەمەلبەك ويشىباەۆ مەديا سالاسى ماماندارىن وقىتۋدى ۇيىمداستىرۋ جانە بىرلەسكەن كونتەنت قۇرۋ سالاسىنداعى ىنتىماقتاستىقتى ودان ءارى دامىتۋ قاجەتتىگىنە ەرەكشە نازار اۋداردى.

ءوز كەزەگىندە مەحمەت سوبادجي «قورقىت اتا» تەلەسەريالىن ءتۇسىرۋدى ۇيىمداستىرۋ بويىنشا بىرلەسكەن جوبا قۇرۋعا دايىن ەكەنىن ءبىلدىردى. ول بىرلەسكەن كونتەنتتى قۇرۋ قازاقستان مەن تۇركيا حالىقتارىنىڭ مادەني بايلانىستارىن دامىتۋعا، سونداي-اق ءتۋريزمدى دامىتۋعا ىقپال ەتەتىنىن اتاپ ءوتتى.

ەسكە سالا كەتسەك، 2021 جىلدىڭ 22-24 قازان ارالىعىندا ىستامبۇلدا قازاقستان، تۇركيا، ءازىربايجان، وزبەكستان، قىرعىزستان، تۇركىمەنستان جانە ماجارستان مەملەكەتتىك ورگاندارى وكىلدەرىنىڭ، اقپارات سالاسىنداعى باسشىلار مەن ساراپشىلاردىڭ، عالىمداردىڭ، جۋرناليستەردىڭ، بلوگەرلەر مەن قوعام بەلسەندىلەرىنىڭ قاتىسۋىمەن تۇركى كەڭەسىنىڭ مەديافورۋمى وتۋدە.

ر

فورۋمنىڭ كۇن تارتىبىندە – تۇركى الەمىنىڭ دامۋ پەرسپەكتيۆالارىنا، كينويندۋسترياعا، الەۋمەتتىك جەلىلەرگە جانە وسكەلەڭ ۇرپاقتى تاربيەلەۋگە قاتىستى ماسەلەلەر تۇر.

فورۋم جۇمىسىنا قازاقستان دەلەگاتسياسىنىڭ قۇرامىندا قر اقپارات جانە قوعامدىق دامۋ ۆيتسە-ءمينيسترى كەمەلبەك ويشىباەۆ، قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازيەۆا، ەلىمىزدىڭ جەتەكشى باق باسشىلارى: ءلاززات تانىسباي («قازاقستان» رترك)، ەلدوس ناشيرالي (قازاقپارات)، «قازاقفيلم» اق پرەزيدەنتى اقان ساتاەۆ، قوعام قايراتكەرى توعجان قوجاليەۆا، اكتريسا الميرا تۇرسىن جانە ت.ب. قاتىسادى.

فورۋم ەرتەڭ، 2021 جىلدىڭ 24 قازانىندا، تانىمال تۇرىك تاريحي سەريالدارى تۇسىرىلگەن پلاتفورماعا ەكسكۋرسيامەن اياقتالادى.

و

سوڭعى جاڭالىقتار

ۇقساس جاڭالىقتار