جاڭا ۆيرۋسپەن كۇرەس جونىندەگى فەدەرالدى جەدەل شتابى تاراتقان اقپاراتقا قاراعاندا, پاندەميا باستالعالى بەرى ۆيرۋستان بارلىعى 229 528 ادام كوز جۇمدى. شارتتى ءولىم ۇلەسى – 2,8%.
اتاپ ايتقاندا, ءبىر تاۋلىكتە ماسكەۋدە 82, سانكت-پەتەربۋرگتە 67, كراسنودار ولكەسى مەن نيجەگورود وبلىسىندا 42-دەن, باشقۇرتستاندا 35, روستوۆ, سۆەردلوۆ وبلىستارى مەن ستاۆروپول ولكەسىندە 34 ادامنان قايتىس بولدى.
جاڭا جاعدايلار سانى ءبىر تاۋلىكتىڭ ىشىندە 37 678-گە ءوسىپ, 8 205 923-كە جەتتى. بۇل پاندەميانىڭ باسىنان بەرگى ەڭ جوعارى كورسەتكىش. وسىلايشا, ەلدە كوروناۆيرۋس جۇقتىرعاندار سانى بويىنشا رەكورد قاتارىنان ءۇش رەت جاڭارىپ وتىر.
اۋرۋ جۇقتىرعاندار ۇلەسى 0,46%-عا ارتتى. اتاپ ايتقاندا, ءبىر تاۋلىكتىڭ ىشىندە ماسكەۋ وبلىسىندا 2 783, سامارا وبلىسىندا 997, نيجەگورود وبلىسىندا 761, ۆورونەج وبلىسىندا 729, باشقۇرتستان رەسپۋبليكاسىندا 667 جاعداي تىركەلدى. شتاب دەرەكتەرىنە ساي, بەلسەندى جاعدايلار سانى 833 318-گە وسكەن. ال جازىلىپ شىققاندار سانى ءبىر تاۋلىكتىڭ ىشىندە 26 077-گە ءوسىپ, 7 143 137-گە جەتتى.
جازىلىپ شىققان ناۋقاستار ۇلەسى 87%-عا دەيىن تومەندەگەن. اتاپ ايتقاندا, ماسكەۋدە اۋرۋدى جەڭگەندەر سانى 3 986, سانكت-پەتەربۋرگتە 2 887, ماسكەۋ وبلىسىندا 2 333, قىرىمدا 823, سامارا وبلىسىندا 752, باشقۇرتستان مەن ۋليانوۆ وبلىسىندا 649 پەن 630-عا كوبەيگەن. ماسكەۋدىڭ وزىنە كەلەر بولساق, وندا كوروناۆيرۋس جۇقتىرعاندار سانى ءبىر تاۋلىكتىڭ ىشىندە 7 803-كە ءوسىپ, 1 761 650-گە جەتكەن. ءبىر كۇن بۇرىن بۇل كورسەتكىش 8 166 بولعان. جۇقتىرعاندار ۇلەسى – 0,45%. ال قايتىس بولعاندار سانى ءبىر تاۋلىكتە 82-گە ءوستى, ءبىر كۇن بۇرىن بۇل كورسەتكىش 79 بولعان.
بارلىعى قالادا 30 619 ادام (جۇقتىرعانداردىڭ 1,74%-ى) قايتىس بولعان, دەلىنگەن شتاب دەرەكتەرىندە.
شتابتىڭ حابارلاۋىنشا, قازىرگى كەزدە ەل استاناسىندا 174 310 ادام ەم الىپ جاتىر.
