ەلوردا • 23 قازان، 2021

ەلوردادا قارجىگەرلەر اللەياسى اشىلدى

69 رەت كورسەتىلدى

نۇر-سۇلتان قالاسىنداعى قارجى مينيسترلىگى عيماراتىنىڭ الدىندا قارجىگەرلەر اللەياسى اشىلدى. بۇل تۋرالى ەلوردا اكىمى التاي كولگىنوۆ Instagram جەلىسىندەگى پاراقشاسىندا جازدى، دەپ حابارلايدى Egemen.kz.

ەلوردا اكىمى التاي كولگىنوۆ اللەيانىڭ اشىلۋى قر تاۋەلسىزدىگىنىڭ 30 جىلدىعىنا جانە قارجى مينيسترلىگى قىزمەتىنىڭ 100 جىلدىعىنا ورايلاستىرىلعانىن اتاپ ءوتتى.  اعاش وتىرعىزۋعا مينيسترلىكتىڭ بۇرىنعى قىزمەتكەرلەرى مەن ەڭبەك ارداگەرلەرى دە قاتىستى.

و

«ەلوردادا ءداستۇرلى كۇزگى اعاش وتىرعىزۋ جالعاسۋدا. بيىل جالپى 1 ميلليوننان استام جاسىل جەلەك وتىرعىزامىز. وسىلايشا، قالادا «جاسىل ارالدار» مەن ەكولوگيالىق ايماقتار پايدا بولادى. وعان قوسا، تاقىرىپتىق الاڭداردى اباتتاندىرامىز. بۇگىن، مىسالى، قارجى مينيسترلىگى عيماراتىنىڭ الدىنداعى وڭ جاعالاۋدا اعاشتار وتىرعىزىلدى. مۇندا ءبىز تاۋەلسىزدىكتىڭ 30 جىلدىعى مەن قارجى مينيسترلىگى قىزمەتىنىڭ 100 جىلدىعىنا ورايلاستىرىلعان قارجىگەرلەر اللەياسىن اشتىق. مينيسترلىكتىڭ قازىرگى جانە بۇرىنعى قىزمەتكەرلەرى دە، ەڭبەك ارداگەرلەرى دە قاتىستى»، دەپ جازدى نۇر-سۇلتان قالاسىنىڭ اكىمى.

پ

ش

ن

سوڭعى جاڭالىقتار

ۇقساس جاڭالىقتار