قازىرگى جاعداي مەن اتقارىلىپ جاتقان جۇمىستار تۋرالى ساۋدا جانە ينتەگراتسيا ءمينيسترى باقىت سۇلتانوۆ, اۋىل شارۋاشىلىعى ءمينيسترى ەربول قاراشوكەەۆ, قاراعاندى وبلىسىنىڭ اكىمى جەڭىس قاسىمبەك, سولتۇستىك قازاقستان وبلىسىنىڭ اكىمى قۇمار اقساقالوۆ, نۇر-سۇلتان قالاسىنىڭ اكىمى التاي كولگىنوۆ, اقتوبە وبلىسىنىڭ اكىمى وڭداسىن ورازالين, جامبىل وبلىسىنىڭ اكىمى بەردىبەك ساپارباەۆ, اقمولا وبلىسىنىڭ اكىمى ەرمەك مارجىقپاەۆ جانە ت. ب. باياندادى.
وتكەن اپتادا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ءوسىمى 0,2%-دى قۇرادى. بۇعان جۇمىرتقا باعاسىنىڭ 1,3%-عا, ءسابىزدىڭ 0,8%-عا جانە قانتتىڭ 0,7%-عا قىمباتتاۋى اسەر ەتتى. جۇمىرتقا باعاسىنىڭ ەڭ كوپ ءوسۋى قاراعاندى (7,6%), باتىس قازاقستان (7,3%) جانە اقمولا (4,8%) وبلىستارىندا, ءسابىز بويىنشا الماتى قالاسىندا (4,5%), قانت بويىنشا قاراعاندى وبلىسىندا (5,5%) تىركەلدى.
وڭىرلەردە «اينالىم سحەماسىن» قارجىلاندىرۋ 4,4 ملرد تەڭگەگە ارتىپ, 45,1 ملرد تەڭگەگە جەتتى. نىسانالى دەڭگەي 90,2%-عا قامتاماسىز ەتىلدى. 306 مىڭ توننا الەۋمەتتىك ماڭىزى بار تاۋارلار ساتىپ الىندى, بۇل وتكەن اپتاداعى كورسەتكىشپەن سالىستىرعاندا 12%-عا ارتىق.
ءۇش ايلىق كەزەڭگە ءامات-پەن قامتاماسىز ەتۋ ەلىمىز بويىنشا 90%-دان اسادى, الەۋمەتتىك ماڭىزى بار ازىق-ت ۇلىك تاۋارلارىنىڭ بارلىق تۇرلەرى بويىنشا ەڭ جوعارى كورسەتكىشتەرگە نۇر-سۇلتان جانە شىمكەنت قالالارىندا, ماڭعىستاۋ, قاراعاندى, باتىس قازاقستان, شىعىس قازاقستان جانە جامبىل وبلىستارىندا قول جەتكىزىلدى.
