قازاقستان • 23 قازان، 2021

XVI انكارا كىتاپ جارمەڭكەسىنە قازاقستان تاڭباسى باسىلدى

186 رەت كورسەتىلدى

22 قازاندا XVI انكارا كىتاپ جارمەڭكەسىنىڭ سالتاناتتى اشىلۋى ءوتتى، دەپ حابارلايدى Egemen.kz.

بۇل جولعى كىتاپ جارمەڭكەسىنە قازاقستان «قوناق ەل» رەتىندە قاتىستىپ جاتىر. 

اتالعان ءىس-شاراعا تۇركيا ۇلى ۇلتتىق ءماجىلىسىنىڭ توراعاسى مۇستافا شەنتوپ، قازاقستاننىڭ تۇركياداعى ەلشىسى ابزال ساپاربەك ۇلى، تۇركيا ۇلى ۇلتتىق ءماجىلىسىنىڭ دەپۋتاتى، تۇركيا-قازاقستان پارلامەنتارالىق دوستىق توبىنىڭ توراعاسى مەحمەت الي جەۆحەري، مارتەبەلى شەتەلدىك جازۋشى رەتىندە قازاقستاننىڭ ەڭبەك سىڭىرگەن قايراتكەرى ءادىل احمەتوۆ، كورمەنىڭ ۇيىمداستىرۋشى «Eylül» كورمەسىنىڭ باسقارما توراعاسى رەمزي چايىر، تۇركيا ۇلتتىق كىتاپحاناسى ديرەكتورىنىڭ ورىنباسارى الي وداباشى مەن تۇركياداعى ديپلوماتيالىق ميسسيا باسشىلارى، شەتەل ديپلوماتتارى، زيالى قاۋىم وكىلدەرى جانە قازاقستاندىق جازۋشىلار قاتىستى.


اتالعان ءىس-شارادا العاش ءسوز العان «Eylül» كورمەسىنىڭ باسقارما توراعاسى رەمزي چايىر انكارا كىتاپ جارمەڭكەسىنىڭ تۇركياداعى ەڭ ۇلكەن جارمەڭكەلەردىڭ ءبىرى بولىپ ەسەپتەلەتىنىن اتاپ ءوتتى.

ە

مارتەبەلى شەتەلدىك جازۋشى رەتىندە ارنايى شاقىرىلعان ءا.احمەتوۆ تۇركيا مەن قازاقستان اراسىندا تەك ديپلوماتيالىق قاتىناستار عانا ەمەس، سونىمەن قاتار ساياسي، ەكونوميكالىق جانە مادەني بايلانىستاردىڭ قارقىندى دامىپ جاتقانىن اتاپ ءوتتى. وسى ايتىلعانداردىڭ ناقتى ءبىر دالەلى رەتىندە بۇگىن باستالىپ وتىرعان حالىقارالىق انكارا كىتاپ جارمەڭكەسىنە قازاقستاننىڭ «قۇرمەتتى قوناق» رەتىندە شاقىرىلۋىن ەرەكشە اتاۋعا بولاتىنىن ايتتى.

تۇركيا ۇلى ۇلتتىق ءماجىلىسىنىڭ توراعاسى مۇستافا شەنتوپ ءوز سوزىندە قازاقستان تاۋەلسىزدىگىنىڭ 30 جىلدىق مەرەيتويىمەن تۇركيا مەملەكەتىنىڭ جانە ءوزىنىڭ اتىنان قۇتتىقتاپ، جىلى لەبىزىن ءبىلدىردى. سونىمەن قاتار، بيىل قازاقستاننىڭ «قوناق مەملەكەت» رەتىندە اتالعان كىتاپ جارمەڭكەسىنە قاتىسۋىندا ۇلكەن ءمان جاتقانىن ايتتى. بۇل جارمەڭكەدە تۇرىك وقىرماندارى قازاق اۆتورلارىنىڭ شىعارمالارىمەن كەڭىنەن تانىسىپ، مۇنداي ءىس-شارالار ەكى ەلدىڭ مادەنيەت سالاسىنداعى بايلانىستاردى نىعايتاتىنىن اتاپ ءوتتى.


ءىس-شارادا ءسوز العان قازاقستاننىڭ تۇركياداعى ەلشىسى ابزال ساپاربەك ۇلى ءداستۇرلى 16-شى انكارا كىتاپ جارمەڭكەسىنە قاتىسۋشىلاردى اشىلۋ سالتاناتىمەن قۇتتىقتاپ، جارمەڭكەنى ۇيىمداستىرۋشىلارعا ريزاشىلىعىن ءبىلدىردى. ەلشى بيىل قازاقستان «قوناق مەملەكەت» رەتىندە قاتىسقان بۇل كىتاپ جارمەڭكەسىندەگى باستى ماقساتتىڭ تۇرىك وقىرماندارىنا قازاق اۆتورلارىنىڭ شىعارمالارىمەن تانىستىرۋ بولىپ تابىلاتىنىن جانە وسى جىلى قازاقستاننىڭ تاۋەلسىزدىگىنە 30 جىل تولۋىنا وراي، وسىنداي كەلەلى ءىس-شارالار ەكى ەلدىڭ مادەني-عىلىمي بايلانىستارىن ودان ءارى كۇشەيتە تۇسەتىنىنە سەنىمىن ءبىلدىردى.

ە
ءىس-شارانىڭ سوڭىندا كەلگەن قوناقتار مەن قاتىسۋشىلار كىتاپ جارمەڭكەسىن ارالادى.

انكارانىڭ «ATO Congresium» كورمە ورتالىعىندا ءوتىپ جاتقان ءىس-شاراعا تۇركيانىڭ 300-دەن استام ءىرى باسپا ءۇيى، باسپاحانالار مەن جارناما اگەنتتىكتەرى قاتىسۋدا. ۇيىمداستىرۋىشىلار بيىلعى انكارا كىتاپ جارمەڭكەسىنە كەلۋشىلەردىڭ سانى 350 مىڭنان اسادى دەپ بولجاۋدا.
انكارا كىتاپ جارمەڭكەسى 2005 جىلدان بەرى ۇيىمداستىرىلىپ كەلەدى جانە جىلىنا ەكى رەت وتكىزىلەدى. وسى ۋاقىتقا دەيىن يتاليا، فرانتسيا، يران جانە رەسەي ەلدەرى كورمەگە «قوناق مەملەكەت» مارتەبەسىندە قاتىسقان.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار