بۇل تۋرالى ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى قايرات كەلىمبەتوۆ Egemen Qazaqstan گازەتىنە بەرگەن سۇحباتىندا ايتتى.
ونىڭ ايتۋىنشا, ۇلتتىق جوبالار تەك ءبىر عانا مينيسترلىكتىڭ نەمەسە جەرگىلىكتى اتقارۋشى ورگاننىڭ جۇمىسىمەن ەرەكشەلەنبەيدى. بارلىق ماسەلەلەردە مينيسترلىكتەردىڭ جانە اكىمدىكتەردىڭ بىرلەسكەن جۇمىسىنىڭ ناتيجەسى نازارعا الىنباق.
ء«بىلىم بەرۋ سالاسىندا رەسپۋبليكا بويىنشا ساپالى ءبىلىم بەرۋمەن قامتاماسىز ەتۋ ماڭىزدى. قالادا بولسىن, اۋىلدا بولسىن, ساپالى ءبىلىم بەرىلۋى كەرەك. قالا مەن اۋىل اراسىنداعى ءبىلىم ساپاسىن بىردەي ەتۋ كەرەك. وسى ماقساتتا مىڭ شاقتى مەكتەپ سالىنادى. 3-6 جاس ارالىعىنداعى بالالار 100% بالاباقشامەن قامتىلادى. اۋىل مەكتەپتەرى 100% جاڭارتىلادى. بۇل وتە ۇلكەن مىندەت, بىراق ۇكىمەت الداعى ۋاقىتتا مۇنى ورىنداۋعا قاراجات جەتكىلىكتى دەپ سانايدى. ءۇش اۋىسىمدى مەكتەپتەر ءبىرجولا جويىلىپ, ارى كەتسە ەكى اۋىسىم عانا بولادى. ارينە, مەكتەپ سالۋمەن ءبىلىم ساپاسى جاقسارىپ كەتپەيدى. سول ءۇشىن ءبىلىم جانە عىلىم مينيسترلىگى مۇعالىمدەردى دايىنداۋعا, باعدارلاما جازۋعا دا جۇمىس ىستەيدى», دەدى ول.
