كاسىپقوي بوكس • 22 قازان، 2021

گولوۆكينگە قارسى مۋراتانىڭ مۇمكىندىگى بار ما؟

234 رەت كورسەتىلدى

Delcotimes.com سايتىنىڭ رەداكتورى، بوكس ساراپشىسى دجەك ماككافەري ورتا سالماقتا وتەتىن گەننادي گولوۆكين مەن جاپونيالىق ريوتا مۋراتا اراسىنداعى بىرىككەن تۇجىرىمدار جەكپە-جەگىنە قاتىستى پىكىرىمەن ءبولىستى، دەپ حابارلايدى Egemen.kz.

«ريوتا مۋراتا الەم چەمپيونى بولعانىنا قاراماستان، ونى مىقتى بوكسشى دەپ ايتۋعا بولمايدى. ول – ورتا سالماق دارەجەسىندەگى چەمپيونداردىڭ ەڭ ءالسىزى. جاپون بوكسشىسىنىڭ بويىندا باسقا چەمپيونداردى جەڭەتىن قاۋقار دا، تەحنيكا دا جوق. گەننادي گولوۆكين الەم ۇزدىگى ساۋل الۆارەسپەن ەكى مارتە كەرەمەت دەڭگەيدە جۇدىرىقتاسقانىن ەسەپكە الساق، مۋراتانىڭ مۇمكىندىگى جايلى ءسوز ەتۋدىڭ ءوزى قيىن. ول ورتاڭقول بوكسشىلارعا قارسى شايقاستاردىڭ وزىندە كادىمگىدەي قينالدى. ارينە، ريوتا ءوز جانكۇيەرلەرىنىڭ الدىندا بارىن سالاتىنى تۇسىنىكتى. الايدا گولوۆكين قاي كەزدە دە قاۋىپتى بوكسشى سانالعان. ول شارشى الاڭعا اش قاسقىر سەكىلدى كوتەرىلەدى. سوندىقتان مۋراتانىڭ جەڭىسىنە سەنبەيمىن»، دەدى ول.

وتانداسىمىز گەننادي گولوۆكينگە تيەسىلى IBF جانە IBO بەلبەۋلەرىمەن قاتار وسى جەكپە-جەكتە مۋراتاعى تيەسىلى WBA (super) بەلبەۋى باسكە تىگىلەدى. ورتا سالماقتاعى چەمپيونداردىڭ شايقاسى 29 جەلتوقسان كۇنى جاپونيا استاناسى توكيو قالاسىندا وتپەك.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار