ايماقتار • 22 قازان، 2021

شقو-دا مايلى داقىلداردى وڭدەيتىن زاۋىت سالىنادى

62 رەت كورسەتىلدى

شىعىس قازاقستان وبلىسىندا كەلەسى جىلى مايلى داقىلداردى وڭدەيتىن زاۋىت ىسكە قوسىلادى، دەپ حابارلايدى Egemen.kz.

شقو اقپارات ورتالىعىنىڭ مالىمەتىنە سۇيەنسەك، وڭىردە اۋىل شارۋاشىلىعى سالاسى وڭ قارقىنمەن دامىپ كەلەدى. بۇگىندە ايماق كۇنباعىس تۇقىمىن وندىرۋدە رەسپۋبليكادا ءبىرىنشى ورىندا تۇر.

«سەمەي قالاسى مەن گلۋبوكوە اۋدانىندا ماي ەكستراتسيالايتىن 2 ءىرى زاۋىتتىڭ قۇرىلىسى جۇرگىزىلۋدە. ولاردىڭ قۋاتى، سونداي-اق مايلى داقىلدار ءۇشىن القاپتاردىڭ ۇلعايۋى ءوڭىردىڭ وسىمدىك مايلارىنىڭ سان الۋان تۇرلەرىن وندىرۋدە مەملەكەت بويىنشا كوشباسشى اتانۋىنا جول اشادى. وسى رەتتە، ءبىز ارنايى باعدارلاما ازىرلەيمىز. ال كەلەسى جىلى ەگىستىك القاپتارىنىڭ قۇرىلىمىن تۇبەگەيلى وزگەرتۋىمىز كەرەك»، دەدى وبلىس اكىمى دانيال احمەتوۆ.

ونىڭ ايتۋىنشا، بيىل قايتا وڭدەۋ زاۋىتى ىسكە قوسىلىپ، ونىڭ تاۋلىكتىك قۋاتى كۇنباعىس تۇقىمىنىڭ وزىندە عانا مىڭ توننانى قۇرايدى. سونداي-اق 2022 جىلى مايلى داقىلداردى وڭدەيتىن تاعى ءبىر زاۋىت ىسكە قوسىلماق.

«وعان ءدان جەتىسپەۋشىلىگى سەزىلەتىندىگى انىق. دەمەك، ءوڭىر شارۋاگەرلەرى ءوز داندەرىن قايدا ساتامىن دەپ تابان توزدىرمايدى. مۇنداي ءوندىرىس كولەمىمەن پايدالانۋعا بەرىلگەننەن كەيىن كاسىپورىنداردىڭ جالپى قۋاتى جىلىنا 1،1 ميلليون تونناعا جەتەدى.

وسىلايشا، تۇگەل ايماق جوعارى ساپالى وسىمدىك مايلارىمەن قامتاماسىز ەتىلىپ قانا قويماي، ونى ەكسپورتقا شىعارۋعا دا بولادى. بۇل رەتتە، اسىرەسە جاقىن كورشىلەرىمىز قىتاي مەن رەسەي فەدەراتسياسى ىنتىماقتاستىققا قىزىعۋشىلىق ءبىلدىرىپ وتىر»، دەدى ءوڭىر باسشىسى.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار