قازاقستان • 22 قازان، 2021

سەناتتا ەرەكشە قورعالاتىن تابيعي اۋماقتاردى دامىتۋ ماسەلەلەرى تالقىلاندى

75 رەت كورسەتىلدى

سەناتتىڭ اگرارلىق ماسەلەلەر، تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ دەپۋتاتتارى ەكولوگيا، گەولوگيا جانە تابيعي رەسۋرستار مينيسترلىگىنىڭ باسشىلىعىمەن كەزدەسۋ وتكىزدى، دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.

وندا قازاقستاننىڭ ەرەكشە قورعالاتىن تابيعي اۋماقتارىن دامىتۋ ماسەلەلەرى تالقىلاندى.

سەنات كوميتەتىنىڭ توراعاسى ءالي بەكتاەۆ كەزدەسۋدى اشا كەلىپ، ەرەكشە قورعالاتىن تابيعي اۋماقتاردى دامىتۋ ءبىزدىڭ ەلىمىزدەگى جۇمىستىڭ ماڭىزدى باعىتى ەكەنىن اتاپ ءوتتى. ول ەرەكشە ەكولوگيالىق نىساندار مەن عىلىمي-مادەني قۇندىلىقتار قازاقستاننىڭ ۇلتتىق يگىلىگى ەكەنىن جەتكىزدى.

«بۇل اۋماقتار بيوسفەرانىڭ نەگىزى رەتىندە بيولوگيالىق جانە لاندشافتىق ارتۇرلىلىكتى ساقتاۋ ءۇشىن ەرەكشە ماڭىزعا يە. وسى رەتتە ۇلتتىق، وڭiرلiك جانە دۇنيەجۇزiلiك ەكولوگيالىق جەلiنiڭ قۇرامداس بولiگi بولىپ تابىلاتىن ەرەكشە قورعالاتىن تابيعي اۋماقتار مەن مەملەكەتتiك تابيعي قورىق وبەكتiلەرiن جاساۋ، كەڭەيتۋ، قورعاۋ، قالپىنا كەلتiرۋدىڭ ەكولوگيالىق، عىلىمي، تاريحي-مادەني جانە رەكرەاتسيالىق قۇندىلىعى زور»، دەدى سەناتور ءالي بەكتاەۆ.

ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ ءوز بايانداماسىندا پاركتەر مەن قورىقتار ينفراقۇرىلىمىن جاقسارتۋ جونىندە ايتارلىقتاي جۇمىستار جۇزەگە اسىپ جاتقانىن اتاپ ءوتتى. ول سونداي-اق ەكولوگيالىق ءتۋريزمدى دامىتۋعا، ەلدىڭ ۇلتتىق پاركتەرى اياسىندا ەكوتۋريزم برەندتەرىن جاساۋعا جانە كۇزەتىلەتىن اۋماقتاردىڭ كەلۋشىلەرگە قىزمەت كورسەتۋ مەن وقىتۋ ساناتىن كوتەرۋگە مۇمكىندىك بەرەدى.

سەناتورلار كەزدەسۋ قورىتىندىسى بويىنشا بىرقاتار ۇسىنىستار ايتتى. اتاپ ايتقاندا، « ۇلىتاۋ» مەملەكەتتىك ۇلتتىق تابيعي پاركى مەن «بوكەيوردا» مەملەكەتتىك تابيعي رەزەرۆاتىن جاساۋ ماسەلەسىن ەرەكشە باقىلاۋعا الۋ، سونداي-اق ىشكى ءتۋريزمدى دامىتۋ ماقساتىندا ۇلتتىق پاركتەردىڭ ينفراقۇرىلىمىن دامىتۋ ءۇشىن قوسىمشا قاراجات ءبولۋ تۋرالى ايتىلدى.

كەزدەسۋگە قاتىسۋشىلار بىلىكتى كادرلارمەن قامتاماسىز ەتۋ جانە ماتەريالدىق-تەحنيكالىق جاراقتاندىرۋ، سونداي-اق ىشكى ءتۋريزمدى دامىتۋ ماقساتىندا ۇلتتىق پاركتەردىڭ ينفراقۇرىلىمىن دامىتۋ ءۇشىن قوسىمشا قارجى ءبولۋ ماسەلەلەرىن تالقىلادى.

سوڭعى جاڭالىقتار

11 ءوڭىر «جاسىل» ايماققا كوشتى

كوروناۆيرۋس • بۇگىن، 09:24

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار