بوكس • 22 قازان، 2021

باس باپكەر: جالپىكوماندالىق ەسەپتە ءبىرىنشى ورىن الامىز

401 رەت كورسەتىلدى

بوكستان قازاقستان قۇراماسىنىڭ باس باپكەرى قايرات ساتجانوۆ سەربيادا وتەتىن الەم چەمپيوناتىندا جىگىتتەردىڭ الدىنا قانداي ماقسات قويعانى، ولاردى قالاي جىگەرلەندىرەتىنى تۋرالى ايتىپ بەردى، دەپ حابارلايدى Egemen.kz.

«بۇل تاريحتاعى ەڭ ءىرى الەم چەمپيوناتتارىنىڭ ءبىرى بولماق. ايتۋلى الامانعا جاھاننىڭ جۇزدەن استام ەلىنەن 650 بوكسشى قاتىسادى. دودادا وليمپيادا ويىندارىنىڭ جەڭىمپازدارى، الەم چەمپيوندارى مەن قۇرلىقتىق چەمپيوناتتاردىڭ جەڭىمپازدارى دا باق سىنايدى. ءبىز بوكسشىلارىمىزدى بارىنشا جاقسى دايىندادىق. بوكسشىلاردى «بەلگرادقا بارامىز، جالپىكوماندالىق ەسەپتە ءبىرىنشى ورىن الامىز! العا وسىنداي ماقسات قويامىز! ارقايسىڭىز جەڭىمپاز بولۋعا لايىقسىز! توپ جارعاننان بولەك، ءبىز «ۇزدىك بوكسشى» اتاعىن الۋىمىز كەرەك! بارلىعى ءبىزدىڭ قولىمىزدا دەپ جىگەرلەندىرەمىن»، دەيدى ۇلتتىق قۇرامانىڭ باس جاتتىقتىرۋشىسى.

ەستەرىڭىزگە سالا كەتەيىك، الەم چەمپيوناتى 24 قازان مەن 6 قاراشا ارالىعىندا سەربيا استاناسى بەلگراد قالاسىندا وتەدى. بۇل الامانعا قازاقستان قۇراماسى جاڭارتىلعان قۇراممەن قاتىسپاق. الەم چەمپيونى اتانعان بوكسشىلار 100 مىڭ دوللاردان، كۇمىس جۇلدەگەرلەر 50 مىڭ دوللاردان، قولا مەدال يەگەرلەرى 25 مىڭ دوللاردان سىياقى الادى. قارجىلاي سىياقىنى AIBA تاعايىنداپ وتىر.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار