سايلاۋ • 22 قازان، 2021

وزبەكستانداعى پرەزيدەنت سايلاۋىنا ەكى كۇن قالدى

72 رەت كورسەتىلدى

بيىلعى شىلدە ايىندا وزبەكستان ورتالىق سايلاۋ كوميسسياسىنىڭ توراعاسى ساينيددين نيزامحودجاەۆ ءباسپاسوز ءماسليحاتىندا ەلدەگى پرەزيدەنتتىك سايلاۋدى 24 قازان كۇنى وتكىزۋ تۋرالى شەشىم قابىلداعانىن مالىمدەگەن ەدى، دەپ جازادى Egemen.kz.

وسىعان بايلانىستى 12 قازاندا قازاقستان رەسپۋبليكاسى ورتالىق سايلاۋ كوميسسياسىنىڭ قاۋلىسىمەن وزبەكستان رەسپۋبليكاسىنىڭ پرەزيدەنتى سايلاۋىن بايقاۋعا قاتىسۋ ءۇشىن قازاقستان رەسپۋبليكاسىنان جىبەرىلەتىن بايقاۋشىلاردىڭ كانديداتۋرالارى بەكىتىلدى.

وزبەكستان رەسپۋبليكاسىنداعى پرەزيدەنتتىك سايلاۋدى بايقاۋعا قازاقستان رەسپۋبليكاسىنىڭ 37 وكىلى تمد، شىۇ، تۇركى كەڭەسى، ەقىۇ/دياقب بايقاۋشىلارى ميسسيالارىنىڭ قۇرامىندا، سونداي-اق وزبەكستان رەسپۋبليكاسى ورتالىق سايلاۋ كوميسسياسىنىڭ شاقىرۋى بويىنشا قاتىسادى.

وزبەكستان رەسپۋبليكاسىنىڭ قولدانىستاعى سايلاۋ كودەكسىنە سايكەس، وزبەكستان رەسپۋبليكاسىنىڭ پرەزيدەنتى بەس جىل مەرزىمگە سايلانادى. ەلدەگى ەڭ جوعارى لاۋازىمعا وزبەكستاندا ءاربىر تىركەلگەن ساياسي پارتيادان بەس ادام - ۇمىتكەر. ولاردىڭ ىشىندە قازىرگى پرەزيدەنت شاۆكات ميرزيوەۆ تە قاتىسىپ جاتىر.

سايلاۋ زاڭناماسىنا سايكەس، وزبەكستاندا سايلاۋدىڭ نەگىزگى كۇنىندە قانداي دا ءبىر سەبەپتەرمەن تۇرعىلىقتى جەرى بويىنشا داۋىس بەرە المايتىن ازاماتتار مەرزىمگە دەيىن داۋىس بەرۋگە قۇقىلى. ال مەرزىمىنەن بۇرىن داۋىس بەرۋ 2021 جىلعى 14-20 قازان ارالىعىندا ءوتتى. قازاقستان اۋماعى بويىنشا ۋچاسكەلەر نۇر-سۇلتان، الماتى جانە اقتاۋ قالالارىنداعى دياسپورالىق وكىلدىكتەردە اشىلدى.

ەسكە سالا كەتەيىك، وزبەكستاندا سوڭعى پرەزيدەنتتىك سايلاۋ 2016 جىلدىڭ جەلتوقسان ايىندا وتكىزىلىپ، اتالمىش سايلاۋدا ءۇش قارسىلاسىن ارتتا قالدىرعان شەۆكەت ميرزيوەۆ 88،61 پايىز داۋىسپەن جەڭىسكە جەتكەن بولاتىن.

سوڭعى جاڭالىقتار

قىرعىزعا قارسى شىعادى

بوكس • بۇگىن، 09:00

فاتيما حانىمنىڭ كويلەگى

تاريح • بۇگىن، 08:59

ۆاگنەر لاۆ دانيادا وينايدى

فۋتبول • بۇگىن، 08:57

مىقتىلار مەلبۋرندە باس قوستى

تەننيس • بۇگىن، 08:51

كوكتالعا كوپىر سىيلاعان

ايماقتار • بۇگىن، 08:49

كاسىپ مەڭگەرگەن قاتاردان قالمايدى

قازاقستان • بۇگىن، 08:40

دونور بولۋ – ءومىر سىيلاۋ

مەديتسينا • بۇگىن، 08:35

الماتىعا 10 رەانيموبيل سىيلادى

مەديتسينا • بۇگىن، 08:31

«وميكرون» جەدەل تارالۋدا

الەم • بۇگىن، 08:23

ۇقساس جاڭالىقتار