«قارجى ءمينيسترى ورىنباسارىنىڭ ايتۋىنشا, رەسپۋبليكالىق بيۋدجەت شىعىستارىنىڭ جالپى كولەمى 2022 جىلى - 15,9 ترلن. تەڭگە, 2023 جىلى -15,6 ترلن. تەڭگە, 2024 جىلى شامامەن 16 ترلن. تەڭگە كولەمىندە جوسپارلانىپ وتىر. سەناتتىڭ تۇراقتى كوميتەتتەرى مەن جۇمىس توپتارىنىڭ وتىرىستارىندا زاڭ جوباسىن تالقىلاۋ ودان ءارى جالعاسادى», دەدى ولگا پەرەپەچينا.
شارادا سونداي-اق ەلىمىزدىڭ 2022-2026 جىلدارداعى الەۋمەتتىك-ەكونوميكالىق دامۋىنا بولجام ايتىلىپ, ۇلتتىق قوردان الداعى ءۇش جىلعا كەپىلدەندىرىلگەن ترانسفەرت تۋرالى زاڭ جوباسى قارالدى.
2022 جىلى ءجىو-ءنىڭ ناقتى ءوسىمى 3,9% دەڭگەيىندە بولاتىنى, ال 2026 جىلى ول 5,2%-عا جەتەتىنى تۋرالى بولجام ايتىلدى. ترانسفەرتتەردى ەسەپكە الماعاندا, رەسپۋبليكالىق بيۋدجەتتىڭ كىرىستەرى بولجام بويىنشا 2022 جىلى 9,2 ترلن تەڭگەنى, 2023 جىلى - 9,7 ترلن تەڭگەنى, 2024 جىلى - 10,4 ترلن تەڭگەنى قۇرايتىن بولادى.
ۇلتتىق ەكونوميكا ءمينيسترىنىڭ ورىنباسارى اتاپ وتكەندەي, كەپىلدەندىرىلگەن ترانسفەرتتى 2022 جىلى - 2,4 ترلن تەڭگە, 2023 جىلى - 2,2 ترلن تەڭگە جانە 2024 جىلى - 2,0 ترلن تەڭگە مولشەرىندە بەلگىلەۋ ۇسىنىلادى.
سەناتورلار سونىمەن قاتار قازاقستان رەسپۋبليكاسىنىڭ اقشا-نەسيە ساياساتى تۋرالى باياندامانى تىڭدادى.
زاڭ جوبالارىن تالقىلاۋ بارىسىندا مەملەكەتتىك ورگانداردىڭ وكىلدەرى ۇلتتىق جوبالاردى قارجىلاندىرۋعا, ينفلياتسياعا قارسى شارالار قابىلداۋعا, سۋبسيديالاۋدىڭ بيۋدجەتتىك باعدارلامالارىن باعالاۋ ادىستەمەسىن ازىرلەۋگە جانە ت.ب. قاتىستى سەناتورلاردىڭ سۇراقتارىنا جاۋاپ بەردى.
