«Nur Otan پارتياسىنىڭ سايلاۋالدى باعدارلاماسىنا سايكەس, الداعى 5 جىلدا 259 مادەني نىساننىڭ قۇرىلىسى جۇرگىزىلەدى. بيىل رەسپۋبليكا بويىنشا 89 نىساننىڭ قۇرىلىسى اياقتالۋى ءتيىس. بۇل رەتتە 2025 جىلعا دەيىن 1241 نىسان جوندەلەتىن بولادى. بيىل 250 استام مادەني نىسان جوندەلۋدە», دەدى ۆيتسە-مينيستر.
سونىمەن قاتار, قازاقستاندىقتار مەن شەتەلدىك تۋريستەر اراسىندا تانىمال ەتۋ ماقساتىندا رەسپۋبليكالىق مۋزەي-قورىقتار اۋماعىندا 8 ۆيزيت-ورتالىق سالىناتىن بولادى. سونداي-اق, «زاعيپ جانە كوزى ناشار كورەتىندەرگە ارنالعان كىتاپحانالار قورىن ۇلعايتۋ» ءىس-شاراسى قولعا الىنعان.
