تاريحتى زەردەلەگەن

قوستانايداعى «دوستىق ۇيىندە» ا.باي­تۇرسىنوۆ اتىنداعى قوستاناي مەملەكەتتىك ۋنيۆەرسيتەتى فيلوسوفيا كافەدراسىنىڭ مەڭگەرۋشىسى, فيلوسوفيا عىلىمدارىنىڭ دوكتورى, پروفەسسور ساپار قولدىباەۆتىڭ «تاريحي ۇدەرىستەردىڭ فيلوسوفيالىق-ەپيس­­تەمولوگيالىق پروبلەمالارى» اتتى كىتابىنىڭ تۇساۋكەسەرى بو­لىپ ءوتتى. قوس­تاناي وبلىسى اكىمدىگىنىڭ ىشكى ساياسات باس­قارماسى جانە قازاقستان حال­قى اسسام­بلەيا­سى وبلىستىق فيليالىنىڭ ۇيىمداس­­تىرۋىمەن وتكەن بۇل شاراعا تاريحشى عا­لىم­دارمەن بىرگە زيالى قاۋىم, ستۋدەنت جاس­تار قاتىستى. تۇساۋكەسەر كەشتى اشقان وبلىستىق ىشكى ساياسات باسقارماسىنىڭ باسشىسى جان­­دىلدا ما­قانوۆ «تاريحي ۇدەرىستەردىڭ فيلو­سوفيالىق-ەپيس­تەمولوگيالىق پروبلەمالارى» كىتابىنىڭ جا­رىققا شىعۋىن ۇلتتىق ساناعا ساۋلە تۇسىرەر وقي­عا دەپ باعالادى. ءتورت-بەس جىل بويى جاز­عان مونوگرافياسىندا بەلگىلى عالىم ساپار قول­­دىباەۆ ۇلتتىق تاريحتى جازۋدىڭ تەورياسى مەن فيلوسوفياسىنا جاڭا كوزقاراس تۇرعىسىنان كەلەدى. – مەن بۇرىن قۇقىق فيلوسوفياسىمەن اينالىسقان ەدىم. مەنى سوڭعى جىلدارى تاريح فيلوسوفياسى قىزىقتىردى, مەن سونى زەرتتەدىم. تاريح فيلوسوفياسى بۇگىندە نەگە وتكىر تۇر؟ وتاندىق تاريحتى تەوريالىق-ادىسنامالىق قايتا زەردەلەۋ قازاقستاننىڭ مەملەكەتتىك-ەتنيكالىق ءوزىن ءوزى انىقتاۋ, بيلەۋ, كوپعاسىرلىق وزىندىك دامۋ تاريحى بار بايىرعى ۇلت قازاق مۇددەلەرىن نەگىزگە الۋ تۇرعىسىنان جۇرگىزىلۋى كەرەك. بۇگىندە وتان تاريحىنىڭ دامۋىن تاريحي تانۋدىڭ ءادىسناما سالاسىنىڭ ماڭىزدى ءبىر بولىگى بولىپ تابىلاتىن تاريح فيلوسوفياسىنىڭ ماسەلەلەرى جەتە جاسالماعاندىعى ەرەكشە سەزىلىپ تۇر. بارىمىزگە ءمالىم جانە تولعاندىرىپ جۇرگەن ماسەلە, ءالى كۇنگە دەيىن وتاندىق فيلوسوفيا وتاندىق تاريحي ۇدەرىسىنىڭ دۇنيەتانىمدىق, ىرگەلى ماسەلەلەرىن قاجەتتى دەڭگەيدە قايتا زەر­دەلەي الا الماي وتىرعاندىعى, سونىڭ ءىشىن­دە, ءبىز, قازاقتار, كىمدەرمىز, دۇنيەجۇزىلىك تاريح­تا قانداي ورىن الامىز, ءبىزدىڭ ارعى اتالا­رىمىزدىڭ تاريحتا قانداي ءرولى بولعان دەگەن سياقتى ساۋالدارعا جاۋاپ بەرىلمەگەندىگى, – دەدى كىتاپ اۆتورى ساپار قولدىباەۆ. كىتاپتىڭ تۇساۋكەسەر كەشىندە عالىمنىڭ ارىپتەستەرى ۆ.گەرشۋن, ت.نۇرتازەنوۆ, ا.ايت­مۇحامبەتوۆ, ە.ءابىل جانە باسقالار تاريح فيلوسوفياسى مەن تەورياسىن زەردەلەۋگە ارنالعان جاڭا شىعارما جونىندە جىلى پىكىر ءبىلدىردى. ولار «تاريحي ۇدەرىستەردىڭ فيلوسوفيالىق-ەپيستەمولوگيالىق پروب­لەمالارى» كىتابىن قازاق حالقىنىڭ جانە قازاقستان تاريحىن جا­ڭا كوزقاراسپەن زەردەلەۋگە قوسىلعان سۇبەلى ۇلەس جانە قۇندى ەڭبەك دەپ باعالادى. كىتاپتى را­ريتەت باسپا كومپانياسى 2000 دانامەن شىعاردى. ءنازيرا جارىمبەتوۆا, «ەگەمەن قازاقستان». قوستاناي.