ايماقتار • 21 قازان، 2021

قوستانايدا جول جوندەۋ كەزىندە 27 ملن تەڭگەدان استام قارجى جىمقىرىلدى

74 رەت كورسەتىلدى

قارجىلىق مونيتورينگ اگەنتتىگى قوستاناي قالاسىندا جولداردى قايتا جوندەۋ كەزىندە 27 ملن استام تەڭگەنى جىمقىرۋ دەرەگىن انىقتادى، دەپ حابارلايدى Egemen.kz اگەنتتىكتىڭ ءباسپاسوز قىزمەتىنە سىلتەمە جاساپ.

قارجىلىق مونيتورينگ اگەنتتىگىنىڭ قوستاناي وبلىسى بويىنشا اۋماقتىق دەپارتامەنتى سىبايلاس جەمقورلىق دەرەگىن انىقتادى.

تەرگەۋ مالىمەتتەرى بويىنشا، مەردىگەر «Galara» جشس مەن قوستاناي قالاسى اكىمدىگىنىڭ تۇرعىن ءۇي-كوممۋنالدىق شارۋاشىلىعى، جولاۋشىلار كولىگى جانە اۆتوموبيل جولدارى ءبولىمى اراسىندا 612 ميلليون تەڭگەدەن استام سوماعا قوستاناي قالاسىنىڭ نابەرەجنايا كوشەسىن قايتا جوندەۋ شارتى جاسالعان.

«Galara» جشس باس ديرەكتورى تكش ءبولىمى ينسپەكتورىنىڭ كومەگىمەن ءىس جۇزىندە كورسەتىلمەگەن (قۇم-قيىرشىق تاس قوسپاسىنان، ۇساق تاستان جاسالعان نەگىزدەردىڭ توسەيتىن جانە تەگىستەيتىن قاباتتارىن ورناتۋ بويىنشا) قوسىمشا قىزمەتتەر بويىنشا ورىندالعان جۇمىستاردىڭ جالعان اكتىسىن ۇسىندى.

«جالعان اكت نەگىزىندە جشس ەسەپشوتىنا 27 ميلليوننان استام تەڭگە نەگىزسىز اۋدارىلدى. كاسىپورىن ديرەكتورى مەن ءبولىم قىزمەتكەرى 5 جىلعا باس بوستاندىعىنان ايىرىلدى»، دەلىنگەن قر قما ءباسپاسوز قىزمەتىنىڭ اقپاراتىندا.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار