ايماقتار • 20 قازان، 2021

تۋريستىك ينفراقۇرىلىمعا قارجى قۇيۋعا مۇددەلى

59 رەت كورسەتىلدى

الماتىنىڭ تۇمسا تابيعاتى كەز كەلگەن ءتۋريستى باۋراپ الۋعا قاۋقارلى. ول ءۇشىن ءتۋريزمنىڭ تىنىسىن اشىپ، ارناسىن كەڭەيتۋ قاجەت. بۇل رەتتە قىزمەت كورسەتۋ ساپاسىن زاماناۋي ستاندارتتار دەڭگەيىنە كوتەرىپ، اقپاراتتىق ناسيحات جۇمىستارىن ءبىر جۇيەگە كەلتىرۋدىڭ ماڭىزى زور. قۋانتارلىعى، جەكە ينۆەستورلار ولكەنىڭ تۋريستىك ينفراقۇرىلىمىن دامىتۋعا ميللياردتاپ قارجى قۇيۋعا دايىن.

جەكە ينۆەستورلار بۇل با­عىتتا 24،5 ملرد تەڭگە قۇيۋعا دايار ەكەنىن جەتكىزدى. بۇل تۋرالى م­ادەنيەت جانە سپورت ءمينيسترى اقتوتى رايىمقۇلوۆانىڭ ىلە-الاتاۋ ۇلتتىق پاركىندەگى ين­ۆەس­­تورلارمەن كەزدەسۋىندە بەل­گىلى بولدى. كەزدەسۋ ورنى كەز­دەيسوق ەمەس، ويتكەنى ءدال وسى ۇلت­تىق پاركتەن ەكولوگيالىق ءتۋريزم­دى دامىتۋ تاسىلدەرىن قايتا قالىپتاستىرۋ جوباسى باستالعان بولاتىن.

ساپار بارىسىندا مينيستر ۇلتتىق پاركتەردە ەكوتۋريزمدى دامىتۋ باسىم باعىتتاردىڭ ءبىرى ەكەنىن، ال ۇكىمەت باسشىسىنىڭ تاپ­سىرماسى بويىنشا قۇرىلعان Kazakh Tourism بازاسىندا ال­ماتى تاۋ كلاستەرىنىڭ بىرىك­تىرىل­گەن جوبالىق كەڭسەسى بارلىق مۇد­دەلى تاراپتىڭ جۇمىسىنا سينەرگەتيكالىق اسەر بەرگەنىن اتاپ ءوتتى.

«جەرگىلىكتى اتقارۋشى ور­گانداردىڭ Kazakh Tourism كوم­پانياسىنىڭ بەلسەندى قاتى­سۋىمەن ۇيلەسىمدى جۇ­مىسىنىڭ ناتيجەسىندە ەكولوگيا، گەولوگيا جانە تابيعي رەسۋرستار مي­نيسترلىگى الماتى ءوڭىرىنىڭ ۇلت­­تىق پاركتەرىنە ەكوتۋريزم بو­­يىنشا ءوز جوبالارىن تابىس­تى ىسكە اسىراتىن ستراتەگيالىق ينۆەستورلاردى تارتتى. ولاردىڭ ءبىرى – ىلە-الاتاۋداعى «ايۋساي» ۆيزيت-ورتالىعى، ول ءىس جۇزىندە اقپاراتتىق پۋنكت رەتىندە عانا ەمەس، ءبىلىم بەرۋ، مادەني جانە كورپوراتيۆتىك ءىس-شارالاردى وت­كىزۋ ورنى رەتىندە دە جۇمىس ىستەي الاتىنىن كورسەتتى»، دەدى اقتوتى رايىمقۇلوۆا.

ەسكە سالساق، جىل باسىندا جەكە ينۆەستورلار ىلە-الا­تا­ۋىندا ۆيزيت-ورتالىعىن اشىپ، مۇندا «تامىر» جابايى تابيعاتتاعى ءومىر ءسۇرۋ مەك­تەبى جۇمىس ىستەي باستاعان بولا­تىن. كەزدەسۋدە كاسىپكەرلەر تۇ­راق­تى تۋريزمگە باسا نازار اۋدا­­را وتى­رىپ، «التىن ەمەل»، «شا­رىن» جانە «كولساي كول­دەرى» ۇلت­تىق پاركتەرىندە جۇمساق جانە ەكو­لوگيالىق تازا ينفرا­قۇرى­لىم­داردى جۇزەگە اسىرۋ جوبالارىن تانىستىردى.

ء«بىز ۇلتتىق پاركتەرگە ينۆەستيتسيا سالا وتىرىپ، ەڭ الدىمەن ەكولوگيانى ساقتاۋعا جانە تۋريزم ەسەبىنەن اۋىل حال­قىنىڭ ءومىر ءسۇرۋ دەڭگەيىن دا­مىتۋعا مۇددەلىمىز. بۇل كۇن ءتار­تىبى اسا ماڭىزدى دەپ ساناي­مىز. سوندىقتان الماتى وبلى­سىنىڭ اكىمدىگىنە، Kazakh Tourism جوبالىق كەڭسەسىنە جانە ەكولوگيا مينيسترلىگىنە قول­داۋ كورسەتكەنى ءۇشىن العىس ايت­قىمىز كەلەدى»، دەيدى «شا­رىن» جانە «التىن ەمەل» ۇلت­تىق پاركتەرىندە ەكولوگيالىق ءتۋ­ريزمدى دامىتۋ جوباسىنىڭ جە­تەك­شىسى جانىبەك الكەەۆ.

ايتا كەتسەك، Kazakh Tourism بازاسىندا الماتى تاۋ كلاستەرىن دامىتۋ جونىندەگى بىرىككەن جو­بالىق كەڭسەگە الماتى قالاسى مەن وبلىس اكىمدىكتەرىنىڭ، سون­داي-اق وڭىردەگى ءتورت ۇلتتىق پارك­تىڭ وكىلدەرى كىرەدى.

 

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار