كوروناۆيرۋس • 20 قازان، 2021

پاندەميامەن كۇرەس شتابى قىزمەتكەرلەرگە قاتىستى سانيتاريا تالاپتارىن قولدادى

60 رەت كورسەتىلدى

پاندەميامەن كۇرەس جونىندەگى ازاماتتىق شتاب كۇندىزگى جۇمىس فورماتىنداعى قىزمەتكەرلەرگە رۇقسات بەرۋ جونىندەگى سانيتاريالىق تالاپتاردى قولدادى، دەپ حابارلايدى Egemen.kz.

قازاقستاندا كوروناۆيرۋس پاندەمياسىمەن كۇرەس جونىندەگى «ەل ءۇشىن ەگىلەمىن» ازاماتتىق شتابى «ۆاكتسينا العان جانە ۆاكتسينا الماعان قىزمەتكەرلەردى جۇمىسقا جىبەرۋ تۋرالى سانيتارلىق ەرەجەلەر: قىزمەتكەرلەردىڭ، بيزنەس پەن تۇتىنۋشىلاردىڭ قۇقىقتارىن قورعاۋدىڭ قۇقىقتىق اسپەكتىلەرى» اتتى دوڭگەلەك ۇستەل وتكىزدى. تالقىلاۋعا بەلسەندى زاڭگەرلەر، قۇقىق سالاسىنداعى حالىقارالىق ساراپشىلار، سونداي-اق ءىرى كومپانيالار - جەر قويناۋىن پايدالانۋشىلار، ونەركاسىپتىك كاسىپورىندار، بانك سەكتورى، قر دەنساۋلىق ساقتاۋ مينيسترلىگىنىڭ وكىلدەرى قاتىستى.

«ەنگىزىلەتىن نورماتيۆتىك-قۇقىقتىق اكت ءبىرىنشى كەزەكتە ۆاكتسيناتسيادان مەديتسينالىق شەتتەتىلگەندەر بار ادامداردىڭ قۇقىقتارىن ەسكەرەدى، ويتكەنى قوعام تەز ارادا يممۋنداۋ ەسەبىنەن ۇجىمدىق يممۋنيتەتتى قالىپتاستىرۋ ارقىلى ولاردىڭ قاۋىپسىزدىگىن قورعاۋ قاجەت. بۇل اكت بىرجاقتى تارتىپپەن، ۆاكتسيناتسيادان تولىق مەديتسينالىق سەبەپتەرسىز باس تارتقان ازاماتتاردىڭ قۇقىقتارىن بۇزۋشى رەتىندە قارالمايدى، ويتكەنى ولار اپتا سايىن پتسر تەستىنىڭ ناتيجەلەرىن ولاردىڭ اراسىندا جۇقتىرعانداردى انىقتاۋ ءۇشىن، جۇمىس ورىندارىندا ۆيرۋستىڭ تارالۋىن ودان ءارى بولدىرماۋ ءۇشىن ۇسىنا الادى»، دەدى جيىندا زاڭگەر، قازاقستان زاڭگەرلەر وداعىنىڭ نۇر-سۇلتان قالاسىنداعى فيليالىنىڭ توراعاسى، ازاماتتىق شتاب مۇشەسى سەرىك بەركامالوۆ.

قر دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ توراعاسى ايجان ەسماعامبەتوۆا جەر قويناۋىن پايدالانۋ سالاسىنداعى كومپانيالار مەن ءىرى ونەركاسىپتىك كاسىپورىندار ءۇشىن جاڭا ەرەجەلەردى قولدانۋعا قاتىستى تۇسىنىكتەمە بەردى.

«وسى تالاپتار قولدانىلاتىن كومپانيالاردىڭ قىزمەت تۇرلەرىنىڭ ءتىزىمىن كەڭەيتۋ قاجەت بولعان جاعدايدا، مۇددەلى كاسىپورىندار ولاردى تىزىمگە ەنگىزۋ ءۇشىن جەرگىلىكتى اۋماقتىق سانيتارلىق-ەپيدەميولوگيالىق باقىلاۋ باسقارمالارىنا جۇگىنۋى قاجەت. ونەركاسىپتىك كومپانيالار بويىنشا قىزمەتكەرلەرگە رۇقسات بەرۋدىڭ سانيتاريالىق تالاپتارىن ورتالىقتاندىرىلعان رەتتەۋ ماسەلەسى بۇدان ءارى تالقىلاۋعا شىعارىلادى، ويتكەنى وڭىرلەردە حالىق اراسىندا ۆاكتسيناتسيا دەڭگەيى بويىنشا ءارتۇرلى جاعداي جانە ءتيىستى ادىستەر قولدانىلادى. جالپى العاندا، قازاقستانعا ۇجىمدىق يممۋنيتەتكە قول جەتكىزۋ ءۇشىن كەمىندە 11، 4 ميلليون COVID-19 ۆاكتسيناتسيالانعان ازامات قاجەت، قازىرگى ۋاقىتتا مۇنداي ازاماتتاردىڭ سانى 8 ميلليونعا جاقىنداپ كەلەدى، بۇل ەلدىڭ تاعى 4 ميلليون ازاماتىن جەدەل يممۋنداۋ قاجەتتىلىگىن كورسەتەدى. بىراق ۆيرۋس ۇنەمى وزگەرىپ وتىراتىندىقتان، ەگەر ءبىز قالىپتى جاعدايعا ورالعىمىز كەلسە، تەزدەتۋىمىز كەرەك»،  دەيدى ول.

بىردەن بىرنەشە ءىرى كومپانيا وكىلدەرى: «سبەربانك روسسي» اق ەنشىلەس بانكى فيليالىنىڭ باسشىسى ەلميرا نۇرعاليەۆا، اتىراۋ ق.، «قازمۇنايگاز» ۇك اق ەڭبەكتى جانە قورشاعان ورتانى قورعاۋ دەپارتامەنتىنىڭ ديرەكتورى قايرات ساقتاعانوۆ، «ەمبىمۇنايگاز» اق جوسپارلاۋ جانە ەكونوميكالىق تالداۋ دەپارتامەنتىنىڭ ديرەكتورى نۇرساۋلە تاجماعامبەتوۆا جاڭا سانيتارلىق ەرەجەلەردى قولدايتىنىن ءبىلدىردى.

ء«اربىر قىزمەتكەردىڭ قاۋىپسىز ەڭبەك جاعدايلارىنا جانە ءوز دەنساۋلىعىن قورعاۋعا قۇقىعى بار. وسى تۇرعىدان العاندا، بۇل تالاپتار جۇمىسشىلاردىڭ كەز-كەلگەن قۇقىعىن بۇزبايدى. كەرىسىنشە، بۇل تالاپتار قىزمەتكەردىڭ ساۋ ۇجىمدا، ساۋ ورتادا بولۋ قۇقىعىن قورعايدى» دەپ سانايدى ولار.

بۇل رەتتە اتالعان كومپانيالاردا ۆاكتسيناتسيا دەڭگەيى ايتارلىقتاي جوعارى جانە باسشىلىق ۆاكتسيناتسيالاناتىن قىزمەتكەرلەردى قولدايدى، مىسالى، «قازمۇنايگاز» ۇك اق-دا كومپانيالاردىڭ بۇكىل توبى بويىنشا بارلىق قىزمەتكەرلەرگە ۆاكتسينانىڭ ءاربىر دوزاسىن العان كەزدە اقىلى 2 كۇن بەرىلەدى. بۇگىنگى تاڭدا كومپانيالار توبى بويىنشا 40 مىڭ قىزمەتكەر نەمەسە بۇكىل جۇمىسشىنىڭ 62% ەگىلدى. قمگ جەكەلەگەن كاسىپورىندارى بويىنشا قىزمەتكەرلەردى ۆاكتسينالاۋ دەڭگەيى 90-100% جەتەدى. «ارسەلور ميتتال تەمىرتاۋ» اق مەملەكەتتىك ورگاندارمەن ءوزارا ءىس-قيمىل جانە قوعاممەن بايلانىس جونىندەگى ديرەكتورى اسلان ابجاقوۆ كومپانيادا 36 مىڭ جۇمىسكەردىڭ (32 مىڭ ءوزىنىڭ جانە 4 مىڭ مەردىگەرلىك ۇيىمىنىڭ)، ياعني قىزمەتكەرلەردىڭ 92% استامى ۆاكتسيناتسيالانعانىن اتاپ ءوتتى.

ۆاكتسيناتسيا ناۋقانىنىڭ ساتتىلىگى كوبىنە ءبىرىنشى باسشىلاردىڭ جەكە مىسالىنا جانە قىزمەتكەرلەردىڭ جۇمىس ورنىندا ۆاكتسيناتسيا پۋنكتتەرىن اشۋعا كومەكتەسكەن جەرگىلىكتى بيلىكتىڭ بەلسەندى قولداۋىنا بايلانىستى بولدى. كاسىپورىننىڭ ەڭبەكتى قورعاۋ جانە ونەركاسىپتىك قاۋىپسىزدىك جونىندەگى ديرەكتورى اندرەي ماركين ۆاكتسيناتسيالانعان قىزمەتكەرلەردى قولداۋدىڭ كەشەندى باعدارلاماسى تۋرالى ايتىپ بەردى (10.000₸ جانە قاتارداعى قىزمەتكەرلەر جەڭىپ العان 3 جەڭىل اۆتوكولىك ۇتىس ويىنى: زاۋىت سلەسارى، شاحتەر جانە جۇك ماشيناسىنىڭ جۇرگىزۋشىسى).

قر كاسىپوداقتار فەدەراتسياسى توراعاسىنىڭ ورىنباسارى نۇرلان وتەشوۆ دوڭگەلەك ۇستەلگە قاتىسۋشىلاردى جۇمىسكەرلەردى سەندىرۋدىڭ ۇقساس ۋاجدەمەلىك ادىستەرىن پايدالانۋعا شاقىردى. ەگەر ۆاكتسيناتسيا بيزنەستى جۇرگىزۋ ءۇشىن قاۋىپسىزدىكتىڭ جاڭا دەڭگەيى دەپ تانىلسا، ءبىز ۇجىمدىق يممۋنيتەتكە جانە يممۋنداۋدا تابىسقا قول جەتكىزە الاتىنىمىزدى بىرىڭعاي تۇسىنۋگە كەلەمىز.

قۇقىق قاۋىمداستىرىلعان پروفەسسورى، ەۋرازيا تەحنولوگيالىق ۋنيۆەرسيتەتىنىڭ ادام قۇقىقتارىن، ينكليۋزيانى جانە ازاماتتىق قوعامدى زەرتتەۋ ورتالىعىنىڭ ديرەكتورى، «ەل ءۇشىن ەگىلەمىن» كوروناۆيرۋس پاندەمياسىمەن كۇرەس جونىندەگى ازاماتتىق شتابتىڭ قاتىسۋشىسى حاليدا اجيگۋلوۆا جۇمىس بەرۋشىلەرگە ءتۇرلى سەبەپتەر بويىنشا ۆاكتسينادان باس تارتقان جانە قاشىقتان جۇمىس ىستەۋگە ءماجبۇر بولعان قىزمەتكەرلەر ءۇشىن جاڭا ماماندىقتاردى ونلاين فورماتتا وقىتۋدى قاراستىرۋدى ۇسىندى. ونىڭ ايتۋىنشا، ۆاكتسيناتسيالاۋعا ءالى دايىن ەمەس ازاماتتاردىڭ قۇقىقتارىن ەسكەرۋ قاجەت.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار