ەلوردا اۋماعىندا بيىلعى 11-18 قازان ارالىعىندا زاڭسىز كوشى-قون ارنالارىن انىقتاۋ جانە جولىن كەسۋ ماقساتىند «نەلەگال-كوردون» جەدەل-الدىن الۋ ءىس-شاراسى وتكىزىلدى.
پوليتسيا قىزمەتكەرلەرى شەتەل ازاماتتارىنىڭ زاڭسىز ءجۇرۋى مۇمكىن دەگەن ورىنداردى تەكسەردى. ولار: قوناق ۇيلەر, جاتاقحانالار, قۇرىلىس نىساندارى, بازارلار, ۆوكزالدار, ونەركاسىپتىك ايماقتار.
وسىلايشا, جەدەل الدىن الۋ ءىس-شاراسى بارىسىندا كوشى-قون زاڭناماسىن بۇزعان 2,5 مىڭنان استام فاكتى انىقتالدى, ونىڭ ىشىندە 1788 شەتەل ازاماتتارىنا, 750 فاكتى قر ازاماتتارىنا تىركەلدى. سونىمەن قاتار 70-كە جۋىق جۇمىس بەرۋشى جاۋاپكەرشىلىككە تارتىلدى.
مامانداندىرىلعان سوتتىڭ شەشىمى بويىنشا ەلدەن 70 شەتەل ازاماتى شىعارىلعان جانە 587 شەتەلدىككە قاتىستى قر اۋماعىندا ۋاقىتشا بولۋدى قىسقارتۋ تۋرالى سوتتىڭ شەشىمى جاريالانعان.
وسى جەدەل-الدىن الۋ ءىس-شاراسىن وتكىزۋ كەزىندە ىزدەۋدە جۇرگەن 9 قىلمىسكەر ۇستالعان. شەكارانىڭ زاڭسىز جولىن كەسۋدىڭ 3 فاكتىسى انىقتالىپ, زاڭسىز كوشى-قوندى ۇيىمداستىرعانى ءۇشىن 1 قۇقىق بۇزۋشى ۇستالعان.
