«ينفلياتسيانى تۇراقتاندىرۋ ماقساتىندا مەملەكەت باسشىسى وسى جىلعى قىركۇيەكتەگى ءوزىنىڭ جولداۋىندا ۇكىمەتكە ۇلتتىق بانكپەن بىرلەسىپ مونەتارلىق ەمەس فاكتورلارعا ەرەكشە نازار اۋدارۋدى تاپسىردى. پرەزيدەنتتىڭ ورىنداۋ ءۇشىن ۇكىمەت شەشىمىمەن ينفلياتسياعا قارسى دەن قويۋ شارالارىنىڭ كەشەنى بەكىتىلدى, ونى ىسكە اسىرۋ وسى جىلعى قىركۇيەكتە باستالدى», دەدى ە. دوساەۆ ءماجىلىستىڭ جالپى وتىرىسىندا.
سونىمەن قاتار ول بيىلعى ينفلياتسيانى تەجەۋدىڭ نەگىزگى قادامدارىن ايتتى.
«سىزدەردىڭ نازارلارىڭىزدى وڭىرلەردەگى جاعدايعا اۋدارعىم كەلەدى. جىلدىق ينفلياتسيا قىركۇيەكتە 17 ءوڭىردىڭ 13 وڭىرىندە جىلدامدادى, ول 6 وبلىستا 9 پايىزدان اسىپ وتىر. ۇلتتىق بانكتىڭ پىكىرىنشە, وڭىرلىك نارىقتاردا باعالاردى تۇراقتاندىرۋ جانە تاۋارلار تاپشىلىعىنا جول بەرمەۋ بيىلعى جىلعى ينفلياتسيانى «تەجەۋدىڭ» نەگىزگى فاكتورلارى بولىپ سانالادى», دەدى ۇب باسشىسى.
