بۇل تۋرالى Reuters اگەنتتىگى ءمالىم ەتتى.
ءۇندىستاننىڭ سولتۇستىگىندەگى ۋتتاراكحاند شتاتىندا 46 ادام قايتىس بولدى, 11 ادام جوعالىپ كەتتى. سەنبىدە سۋ تاسقىنى باستالعان وڭتۇستىك كەرالا شتاتىندا قازا تاپقاندار سانى 39-عا جەتتى.
زارداپ شەككەن اۋدانداردا تۇسىرىلگەن فوتوسۋرەتتەر مەن ۆيدەولاردا سۋ باسقان جولدار مەن اۋىلدار كورىنەدى.
«سۋ تاسقىنىنا بايلانىستى كوپ مولشەردە شىعىن كەلدى, داقىلدارعا زيان كەلدى. جەرگىلىكتى تۇرعىندار كوپ پروبلەماعا تاپ بولدى, جولداردى سۋ باسقان, كوپىرلەردى سۋ شايعان. مۇمكىندىگىنشە جاعدايدى تەزىرەك قالىپقا كەلتىرۋگە تىرىسامىز», دەدى ۋتتاراكحاندتىڭ باس ءمينيسترى پۋشكار سينگح دحامي.
شتات بيلىگى مەكتەپتەردىڭ جابىلعانىن حابارلادى جانە ءدىني, تۋريستىك قىزمەتكە تىيىم سالدى.
ءۇندىستاننىڭ مەتەورولوگيالىق باسقارماسى قاۋىپتى اۋا-رايىن ەسكەرتىپ, قاتتى نوسەر بولۋى مۇمكىن ەكەنىن حابارلادى.
