ايماقتار • 20 قازان، 2021

قالالاردى قالىڭ تۇمان باسىپ تۇر

49 رەت كورسەتىلدى

ءتورتىنشى كۇن وسكەمەن، سەمەي، ريددەر قالالارىن قالىڭ تۇمان باسىپ تۇر. قول سوزىم جەر كورىن­بەيدى. تۇماندى كۇندەردى پايدالانىپ، زاۋىتتاردىڭ ءتۇتىنى اۋاعا زياندى قالدىقتاردى مول­­­شەردەن تىس شىعارىپ جات­قان جوق پا؟ بۇل – كوپتىڭ كوڭى­لىندەگى سۇراق.

«قازگيدرومەت» رمك فيليالىنىڭ اقپاراتى بويىنشا، 14 قازاننان باس­تاپ، اتالعان ءۇش قالادا قولايسىز مە­تەورولوگيالىق جاعدايلارعا بايلانىستى ەكىنشى دارەجەلى ەسكەرتۋ جا­ريالانعان. تۇماندى كۇندەرى ەكولوگيا دەپارتامەنتىنىڭ ماماندارى ات­موسفەراداعى زياندى قالدىقتاردىڭ مولشەرىن ۇنەمى ولشەپ، نازاردا ۇستاپ وتىر.

– قولايسىز مەتەورولوگيالىق جاعداي باستالا سالا كازتسينكتىڭ اۋلاسىنا، جەكە تۇرعىن ۇيلەردىڭ ماڭىنا بارىپ، اۋا قۇرامىن ولشەدىك. بايقاعانىمىزداي، قۇرىلعى سو2 وكسيدى نورمادان كوپ ەكەنىن كورسەتتى. نەگىزى، مۇنداي جاعدايدا زاۋىتتار ءوندىرىس قۋاتىن 20-40 پايىزعا دەيىن ازايتۋى كەرەك، – دەيدى وبلىستىق ەكولوگيا دەپارتامەنتىنىڭ مامانى ولگا ەلچينسكايا.

ال وبلىستىڭ باس ەكولوگى راۋان تۇرا­روۆتىڭ كەزەكتى رەيد كەزىندە ايتقان سوزىنە سەنسەك، وسكەمەندەگى زاۋىتتار قو­لايسىز مەتەورولوگيالىق جاعداي كۇن­­دەرى قۋاتىن ازايتقان. الايدا قالا تۇرعىندارى تاماقتارىن قىرىپ، اۋىرىپ جۇرگەنىن ايتادى.

– قالانىڭ اۋاسى لاستانىپ كەتكەن. تۇماندى كۇندەرى زاۋىتتار قارقىنىن كۇشەيتەتىن شىعار. ول كەزدە بۇلتپەن ارالاسقان ءتۇتىندى بايقامايمىز عوي. سودان تاماعىمىز اشىپ اۋىرادى. بىراق ۇيرەنىپ كەتتىك، – دەيدى وسكەمەن قالا­سىنىڭ تۇرعىنى اراي سەرىكقىزى.

ءيا، بۋداقتاعان تۇتىنگە، اۋانىڭ لاس­تىعىنا ەت ۇيرەنىسىپ كەتكەلى قاشان؟! دەسە دە، قولايسىز كۇن رايىندا زاۋىتتىڭ ونىمدىلىك قارقىنى ازايا ما دەپ كازتسينك باسشىلىعىنان سۇراپ ەدىك، رەسمي ساۋال جىبەرۋىمىزدى ءوتىندى. جىبەرگەنىمىزبەن، وسكەمەن ەكولوگيالىق لاس قالالاردىڭ ءبىرى ەكەنى داۋسىز. ال بىرنەشە كۇنگە سوزىلعان مۇنداي قالىڭ تۇمان سوڭعى 10 جىلدا بولماعان.

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار