سپورت • 20 قازان، 2021

پاراليمپيادالىق سپورت ءتۇرى بويىنشا ۇيىرمە اشىلدى

36 رەت كورسەتىلدى

شىعىس قازاقستاندا مۇگەدەك بالالارعا ارنالعان پاراليم­پيادالىق سپورت ۇيىرمەسى اشىلدى. وسكەمەندە تىرەك-قيمىل اپپاراتى زاقىمدانعان بالالار ەندى پاراليمپيادالىق سپورت تۇرلەرىنىڭ ءبىرى – بوچچامەن اينالىسا الادى.

بوچچا – ەجەلگى گرەكيادا پايدا بولعان ينكليۋزيۆتى ويىن. ونى دەنە دايىندىعىنا قاراماستان بالالار دا، ەرەسەكتەر دە وينايدى. ايتا كەتسەك، بۇل سپورت ءتۇرى تسەرەبرالدى سال اۋرۋى جانە تىرەك-قيمىل اپپاراتىنىڭ زاقىمدانۋى بار ادامدار ءۇشىن دامىپ كەلە جاتقان سپورت تۇرلەرىنىڭ ءبىرى.

حالىقارالىق مۇگەدەكتەر كۇ­نىنە ورايلاستىرىلعان قا­يى­­­­­رىم­دىلىق ايلىعى اياسىن­دا وسكەمەن قالاسىنداعى بالا­لار­عا ارنايى الەۋمەتتىك قىز­مەت كور­سەتۋ ور­تا­لىعىندا بەيىم­دەل­گەن سپورت سەكتسياسى سال­تا­نات­تى تۇردە اشىلدى. ۇيىر­مە Samruk-Kazyna Trust الەۋ­مەت­تىك جوبالاردى دامىتۋ قورى­نىڭ كومەگىمەن جۇمىسىن باس­تايدى. سونىمەن قاتار جوباعا ەلور­دالىق «تەڭ مۇمكىندىكتەر الەمى» قوعامدىق قورى ۇلكەن ۇلەسىن قوستى. «تەڭ مۇمكىندىكتەر الەمى» قوعامدىق بىرلەستىگىنىڭ ديرەكتورى نۇرگۇل ۇلجەكوۆانىڭ ايتۋىنشا، وسكەمەن – بالالاردىڭ بەيىمدەلگەن سپورتىن دامىتۋدى قولداۋعا باعىتتالعان الەۋمەتتىك جوبانى ىسكە اسىرىپ جاتقان 15-ءشى قالا. بۇدان بىلاي ەرەكشە قاجەتتىلىكتەرى بار بالالار جۇيە­لى تۇردە سپورتپەن اينالىسا الادى.

«وسكەمەن بالالارعا ارنالعان ارنايى الەۋمەتتىك قىزمەت كور­سەتۋ ورتالىعى» كمم ديرەكتورى ولگا باتۋەۆانىڭ ايتۋىنشا، بوچچا ويىنى بالالاردىڭ وڭالىپ كەتۋىنە سەپتىگىن تيگىزەدى. ويتكەنى ول دەنە دامۋى مەن بۇلشىق ەتتى شىنىقتىرۋعا ارنالعان.

بوچچا ۇيىرمەسىنە ەرەكشە قا­جەتتىلىكتەرى بار 10 بالاعا دەيىن تەگىن قاتىسا الادى. ولار­دىڭ اتا-انالارى بۇل سپورت ءتۇرى بالا­لار­دىڭ جان-جاقتى دامۋىنا ۇلكەن ۇلەس قوساتىنىنا سەنىمدى.

– مەنىڭ قىزىمنىڭ سال اۋرۋى بار. ءبىز وسكەمەندەگى ارناۋلى الەۋ­مەتتىك قىزمەتتەر ور­تا­لى­عىن­داعى وڭالتۋدان 7 جىل­دان بەرى ءوتىپ كەلەمىز. مۇن­دا با­لالاردىڭ دامۋى ءۇشىن قا­جەتتى ەمنىڭ ءبارىن الادى. يپپو­تە­راپيامەن اينالىسادى، باسسەينگە بارادى. ال جاڭا ۇيىرمەگە قاتىسقان بالالار شى­نىعىپ قانا قويمايدى، جارىسقا قا­تىسىپ جۇلدەلى ورىندارعا ءىلىنۋى مۇم­كىن، – دەيدى ينديرا سەكە­نوۆا.

سالتاناتتى ءىس-شارا سوڭىندا «تەڭ مۇمكىندىكتەر الەمى» قو­رى­نىڭ ديرەكتورى نۇرگۇل ۇل­جە­كوۆا مەن ارنايى قىزمەت كور­سەتۋ ورتالىعىنىڭ ديرەكتورى ولگا باتۋەۆا ىنتىماقتاستىق تۋرالى مەموراندۋمعا قول قويىپ، ورتا­لىقتا جاتتىعۋ جۇمىستارى جونىندە كەلىسىم جاساستى.

سونداي-اق قاراشا ايىنان باستاپ «سالاماتتى بولاشاق» جو­باسى اياسىندا س.امانجولوۆ اتىن­داعى شىعىس قازاقستان ۋني­­ۆەرسيتەتىنىڭ بازاسىندا تاعى ءبىر ينكليۋزيۆتى بالالار سپورت سەكتسيا­سى اشىلادى.

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار