قازاقستان • 19 قازان، 2021

سەناتتا قازاقستاندا دەموكراتيالىق رەفورمالاردى ىسكە اسىرۋ بارىسى تالقىلاندى

73 رەت كورسەتىلدى

سەنات توراعاسى ماۋلەن اشىمباەۆ ەقىۇ-نىڭ دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنىڭ ديرەكتورى ماتتەو مەكاچچيمەن كەزدەستى، دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.

كەزدەسۋ بارىسىندا ەلىمىزدە قولعا الىنعان دەموكراتيالىق رەفورمالار تالقىلاندى جانە سەنات پەن بيۋرو اراسىنداعى ىنتىماقتاستىقتى دامىتۋ ماسەلەلەرى ءسوز بولدى.

سۇحبات كەزىندە ىنتىماقتاستىقتىڭ باستى باعىتتارىنىڭ ءبىرى رەتىندە دەموكراتيالىق رەفورمالاردى ىسكە اسىرۋ سالاسىندا تاجىريبە الماسۋ ەكەنى ايتىلدى.

«ەلىمىزدە مەملەكەت باسشىسىنىڭ باستاماسىمەن بارلىق سالادا كەشەندى جانە جۇيەلى جاڭعىرتۋ جۇمىستارى جۇرگىزىلۋدە. بۇل رەتتە ءبىرىنشى كەزەكتە ساياسي جۇيەنى دەموكراتيالاندىرۋعا، ونىڭ اشىقتىعىن قامتاماسىز ەتۋگە، ساياسي باسەكەلەستىكتى ارتتىرۋعا جانە ادام قۇقىقتارىن ىسكە اسىرۋ ءۇشىن قاجەتتى جاعداي جاساۋعا باسا ءمان بەرىلەدى. قازىردىڭ وزىندە ەلىمىزدىڭ ساياسي جۇيەسىن ودان ءارى جاڭعىرتۋدى كوزدەيتىن زاڭدار توپتاماسىن قابىلدادىق»،  دەدى ماۋلەن اشىمباەۆ.

سونداي-اق سەنات سپيكەرى ەۋروپا كەڭەسى پارلامەنتتىك اسسامبلەياسىنىڭ كۇزگى سەسسياسىندا دەپۋتاتتار «قازاقستانداعى ساياسي رەفورمالار ونىڭ ازاماتتارىنىڭ قاجەتتىلىكتەرى مەن ماقسات-نيەتىنە ساي» دەگەن جازباشا دەكلاراتسيا قابىلداعانىنا نازار اۋداردى. ودان بولەك، ەلىمىزدە قولعا الىنعان ساياسي رەفورمالاردى زاڭنامالىق تۇرعىدان قامتاماسىز ەتۋ جولىنداعى دەپۋتاتتاردىڭ بەلسەندى جۇمىسىن اتاپ ءوتتى. قازىرگى تاڭدا پارلامەنت دەپۋتاتتارىنىڭ الدىندا پرەزيدەنتتىك رەفورمالاردىڭ ءتورتىنشى توپتاماسىن ىسكە اسىرۋ مىندەتى تۇر.

«پرەزيدەنت جولداۋىندا دەپۋتاتتىق مانداتتاردى ءبولۋ كەزىندە ايەلدەر مەن جاستارعا ارنالعان 30 پايىزدىق كۆوتانىڭ مىندەتتى تۇردە ەسكەرىلۋىن زاڭمەن بەكىتۋ كەرەكتىگى ايتىلدى. كۆوتا بەرىلەتىن ساناتتاعى ازاماتتاردىڭ ءتىزىمىن كەڭەيتۋ جانە سايلاۋ تىزىمىندە ەرەكشە قاجەتتىلىكتى تالاپ ەتەتىن ازاماتتارعا كۆوتا بەرۋ مۇمكىندىكتەرىن قاراستىرۋ ۇسىنىلدى. مەملەكەت باسشىسى اۋىلدىق جەرلەردەگى ازاماتتىق باستامالارعا قولداۋ كورسەتۋدىڭ ءتيىمدى تەتىگىن ازىرلەۋدىڭ ماڭىزدى ەكەنىنە دە باسا ءمان بەردى»، دەدى سەنات توراعاسى.

سونىمەن قاتار سۇحباتتاسۋشىلار ادام قۇقىقتارىن ىسكە اسىرۋ سالاسىندا قازاقستان مەن ەقىۇ ىنتىماقتاستىعىنىڭ كەلەشەگى زور ەكەنىنە توقتالىپ، وتكەن اپتادا عانا قازاقستاننىڭ 2022-2024 جىلدارعا بۇۇ-نىڭ ادام قۇقىقتارى جونىندەگى كەڭەسىنە مۇشە بولىپ سايلانعانىن ايتتى.

«ەلىمىزدىڭ دۇنيەجۇزىلىك ۇيىمنىڭ باستى قۇقىق قورعاۋ ورگانىنا مۇشە بولىپ سايلانۋى ءبىزدىڭ وسى باعىتتاعى يگى باستامالارىمىزدىڭ جارقىن كورىنىسى. بۇل قازاقستاننىڭ ادام قۇقىقتارى مەن بوستاندىعىن قورعاۋ سالاسىندا حالىقارالىق نورمالاردى جانە ستاندارتتاردى دارىپتەۋدەگى بەلسەندىلىگى مەن جاۋاپكەرشىلىگىن بىلدىرەدى»،  دەدى ماۋلەن اشىمباەۆ.

ءوز كەزەگىندە ماتتەو مەكاچچي قازاقستاننىڭ ادام قۇقىقتارىن قامتاماسىز ەتۋ جانە ەلدەگى ساياسي جۇيەنى ودان ءارى دەموكراتيالاندىرۋ باعىتىنداعى جۇمىستارىن جوعارى باعالادى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

ۇقساس جاڭالىقتار