«جىل باسىنان بەرى ىشكى ىستەر مينيسترلىگىنە ىقتيمال قارجى پيراميدالارى تۋرالى 66 اقپارات كەلىپ ءتۇستى. ولاردىڭ 9-ى بويىنشا سوتقا دەيىنگى تەرگەۋ باستالدى», دەپ جازدى عيزات نۇرداۋلەتوۆ دەپۋتاتتىق ساۋالعا بەرگەن جاۋابىندا.
ول, سونداي-اق, ۆەدومستۆونىڭ وسى باعىتتا جۇرگىزىپ جاتقان الدىن الۋ جۇمىسى تۋرالى مالىمەت بەردى.
«ينتەرنەت جەلىسىندەگى زاڭسىز ارەكەتتەردىڭ جولىن كەسۋ ءۇشىن باس پروكۋراتۋرانىڭ باستاماسىمەن 2017 جىلى «Kazdream Technology» جشس «كيبەرقاداعالاۋ» اقپاراتتىق جۇيەسىن ازىرلەدى», دەپ جازىلعان باس پروكۋروردىڭ جاۋابىندا.
باس پروكۋراتۋرانىڭ حابارلاۋىنشا, جۇيەگە پروكۋراتۋرا مەن اۋماقتىق ۆەدومستۆولاردىڭ, ۇلتتىق قاۋىپسىزدىك كوميتەتى مەن اۋماقتىق دەپارتامەنتتەردىڭ, ىشكى ىستەر مينيسترلىگى مەن اكىمدىكتەردىڭ 185 قىزمەتكەرى ەنگىزىلگەن.
«اقپاراتتىق جۇيە فۋنكتسيونالى قۇقىققا قارسى كونتەنتتى قاداعالاۋ مەن بۇعاتتايدى. سونداي-اق, قايتالاپ جاريالانعان مالىمەتتەردىڭ قارالىمىن زەردەلەپ, ستاتيستيكا جۇرگىزەدى. بۇگىنگى تاڭدا جۇيە قارجى پيراميداسىنىڭ قىزمەتىن زاڭسىز جارنامالايتىن 52 سىلتەمەنى بۇعاتتادى. اقپارات جانە قوعامدىق دامۋ مينيسترلىگى 9 ينتەرنەت-رەسۋرسقا 39 جاريالانىمدى الىپ تاستاۋدى تالاپ ەتەتىن التى ۇيعارىم جىبەردى» دەپ تۇيىندەدى عيزات نۇرداۋلەتوۆ.
