پرەزيدەنت • 19 قازان، 2021

پرەزيدەنت «Astana Group» كومپانياسىنىڭ باسشىسىن قابىلدادى

111 رەت كورسەتىلدى

قازاقستان پرەزيدەنتى «Astana Group» كومپانياسىنىڭ نەگىزىن قالاۋشى ءارى باسشىسى نۇرلان سماعۇلوۆتى قابىلدادى، دەپ حابارلايدى Egemen.kz.

كەزدەسۋ بارىسىندا مەملەكەت باسشىسىنا «Astana Group» كومپانياسىنىڭ جۇمىسى مەن دامۋ پەرسپەكتيۆالارى تۋرالى اقپارات بەرىلدى.

اتاپ ايتقاندا، نۇرلان سماعۇلوۆ قاسىم-جومارت توقاەۆقا كومپانيالار توبىنىڭ بيۋدجەتكە تولەپ وتىرعان سالىق مولشەرىنىڭ 90 ميلليارد تەڭگەگە دەيىن ارتقانى، ەكسپورت تاسىمالىنىڭ وسكەنى، سونداي-اق جەڭىل تەحنيكا شىعاراتىن زاۋىتتى كەڭەيتۋگە جانە الماتى قالاسىنداعى بەينەلەۋ ونەرى مۋزەيىنىڭ قۇرىلىسىنا قاتىستى جوسپارىن ايتتى.

پرەزيدەنتكە «مەگا» ساۋدا ورتالىقتارىنىڭ حالىققا ەكپە سالۋ ناۋقانىنا اتسالىسىپ جاتقانى جونىندە مالىمەت بەرىلدى. نۇرلان سماعۇلوۆتىڭ ايتۋىنشا، اتالعان ساۋدا ورتالىقتارىندا 150 مىڭنان استام ادامعا ۆاكتسينا سالىنعان. سونىمەن قاتار بيزنەسمەن پرەزيدەنتكە بيۋدجەتى 1 ميلليارد تەڭگە بولاتىن ءوزىنىڭ قايىرىمدىلىق قورىنىڭ قىزمەتى تۋرالى دا ايتتى. قور مادەنيەت پەن سپورتتى دامىتۋعا الەۋمەتتىك-قارجىلاي قولداۋ كورسەتىپ، تۇرمىسى تومەن وتباسىلارعا كومەك كورسەتەدى.

بۇدان بولەك نۇرلان سماعۇلوۆ ەلىمىزدىڭ ۆەلوسپورت فەدەراتسياسىنىڭ پرەزيدەنتى رەتىندە مەملەكەت باسشىسىنا بالالار مەن جاسوسپىرىمدەر سپورتىنىڭ جاعدايى جانە «Astana – Premier Tech» ۆەلوكومانداسىنىڭ رەبرەندينگى تۋرالى باياندادى. ۆەلوكوماندا 2022 جىلدان باستاپ «Astana Qazaqstan Team» دەپ اتالاتىن بولادى.

قاسىم-جومارت توقاەۆ كومپانيانىڭ باستامالارىنا وڭ باعا بەرىپ، تابىس تىلەدى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار