شارا بارىسىندا استانا پوليتسەيلەرى 2021 جىلى شىعارىلعان «Lexus LX 450D» اۆتوكولىگىن انىقتادى. اتالعان كولىك وسى جىلدىڭ ناۋرىزىندا ايداپ اكەتىلىپ, رەسەيدىڭ استراحان وبلىسىنىڭ اۋماعىندا ىزدەۋ جاريالانعان.
قازىرگى كەزدە كولىك كوممۋنالدىق تۇراققا قويىلدى, سوتالدى تەرگەۋ ءجۇرىپ جاتىر. جەدەل-الدىن الۋ شاراسى بارىسىندا اۆتوكولىك ۇرلاعانى ءۇشىن جەتى ازامات قىلمىستىق جاۋاپقا تارتىلىپ, التى كۇدىكتى قاماۋعا الىندى, ۇرلانعان 28 اۆتوكولىك انىقتالدى.
اۆتوكولىكتى ايداپ كەتۋدىڭ جەتى فاكتىسى انىقتالعان, ولاردىڭ التاۋى بۇدان بۇرىن جاسالعان. ءبىر اپتانىڭ ىشىندە پوليتسيا قىزمەتكەرلەرى 250-دەن استام گاراج كووپەراتيۆىن, جەكە مەنشىك اۆتوشەبەرحانانى, تەحنيكالىق قىزمەت كورسەتۋ ستانتسياسىن, اۆتوتۇراقتى, 300-دەن استام اۆتوكولىكتى بولشەكتەۋ مەن ولاردى ساتۋ پۋنكتىن تەكسەرىپ شىقتى.
