قازاقستان • 19 قازان، 2021

عالىمدار جول قۇرىلىسىنا قولدانىلاتىن جاڭا تەحنولوگيا ويلاپ تاپتى

125 رەت كورسەتىلدى

قازاقستان جول عىلىمي-زەرتتەۋ ينستيتۋتىنىڭ پرەزيدەنتى، پروفەسسور باعدات تەلتاەۆ جول توسەمىنىڭ قۇرىلىمىندا پايدالانىلاتىن تابيعي بەرىكتىگى تومەن تاس ماتەريالداردىڭ تۇراقتىلىعىن ارتتىرۋ ءۇشىن جاڭا تەحنولوگيالار قۇرىلعانىن ايتتى، دەپ حابارلايدى Egemen.kz قر يندۋستريا جانە ينفراقۇرىلىمدىق دامۋ مينيسترلىگىنىڭ Telegram كانالىنا سىلتەمە جاساپ.

قازاقستاننىڭ بىرقاتار وڭىرلەرىندە، اسىرەسە، باتىس ايماقتاردا قۇرىلىمى كەۋەكتى، ماسەلەن، اكتاس جانە ۇلۋتاس سياقتى بەرىكتىگى تومەن تابيعي ماتەريالدار بار ەكەنى بەلگىلى. كەۋەكتى ماتەريالداردى قولدانعان كەزدە تاس ىلعالدى ءسىڭىرىپ الىپ، قىستا قاتقان كەزدە بۇزىلا باستايدى، ياعني تسيكلدىق توڭۋ-ەرۋ پروتسەسى كەزىندە تەز بۇزىلا باستايدى. ارنايى تەحنولوگيالارسىز مۇنداي ماتەريالدى جول سالاسىندا قولدانۋعا بولمايدى.

سول سەبەپتەن، جول ماماندارى قۇرىلىس ماتەريالدارىن باسقا ايماقتاردان اكەلۋگە ءماجبۇر. ال بۇل قۇرىلىس قۇنىنا ەلەۋلى اسەر ەتەدى.

قازاقستان جول عىلىمي-زەرتتەۋ ينستيتۋتىنىڭ عالىمدارى ماتەريالداردىڭ تۇراقتىلىعىن ارتتىرۋعا مۇمكىندىك بەرەتىن ارنايى يزولياتسيالىق قابات قۇرۋدىڭ جولىن تاپقانىن مالىمدەدى.

«وسىنداي عىلىمي زەرتتەۋمەن حيميا عىلىمدارى ماماندارىمەن بىرىگىپ اينالىسىپ جاتىرمىز. وسى يزولياتسيالىق قابات جاساۋدىڭ ەكى ءادىسىن، ياعني ەكى قۇرامىن تاپتىق. سول ەكى قۇرام دا العاشقى زەرتحانالىق زەرتتەۋلەر كەزىندە وڭ ناتيجە بەردى»، دەپ اتاپ ءوتتى تەلتاەۆ.

وسى ءادىستى جارتىلاي وندىرىستىك جاعدايدا زەرتتەۋ باستالىپ، جولدىڭ تاجىريبەلىك ۋچاسكەسىن سالۋ جوسپارلانۋدا. ەگەر يننوۆاتسيا ءوزىنىڭ تيىمدىلىگىن دالەلدەسە، الداعى ۋاقىتتا قولدانۋعا ۇسىنىلادى. عالىمداردىڭ ايتۋىنشا، تەحنولوگيا ۇنەمدى، ونى پراكتيكادا، اسىرەسە جەرگىلىكتى ماڭىزى بار جولداردا كەڭىنەن قولدانۋعا بولادى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار