ەكولوگيا • 19 قازان، 2021

سىرداريا سارقىلىپ بارادى. ەكولوگيا مينيسترلىگى تۇسىنىكتەمە بەردى

116 رەت كورسەتىلدى

ەكولوگيا، گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتى سىرداريا وزەنى باسسەينىندەگى سۋ شارۋشىلىعى جاعدايىنا قاتىستى مالىمدەمە جاسادى، دەپ جازادى Egemen.kz.

قىزىلوردا وبلىسىنداعى ەكولوگيالىق جاعداي ارال-سىرداريا باسسەينىنىڭ سۋلىلىعىنا تىكەلەي بايلانىستى. ارال-سىرداريا باسسەينىندە 2019 جىلدان باستاپ سۋ ازدىعى تسيكلى جالعاسۋدا.

«سىرداريا وزەنىنىڭ سۋلىلىعى قىرعىزستان، تاجىكستان جانە وزبەكستان اۋماعىنداعى سۋ شارۋاشىلىعى جاعدايىنا بايلانىستى جانە كوبىنەسە «توقتوعۇل» سۋ قويماسىندا (قىرعىزستان) سۋدىڭ جينالۋىمەن ايقىندالادى. وسى جىلى «توقتوعۇل» سۋ قويماسىندا سۋدىڭ جيناقتالۋ كولەمى 2019 جىلعا قاراعاندا 5 ملرد تەكشە مەترگە كەم، ۆەگەتاتسيالىق كەزەڭنىڭ باسىندا «توقتوعۇل» سۋ قويماسىندا شامامەن 15 ملرد تەكشە مەتر سۋ جيناقتالعان نورما بولىپ سانالادى. وسى جىلعى 1 ساۋىردەگى جاعداي بويىنشا سۋ قويماسىندا 8،7 ملرد تەكشە مەتر عانا بولدى، بۇل 2020 جىلعى ۇقساس كەزەڭگە قاراعاندا 2،9 ملرد-قا از»، دەلىنگەن حابارلامادا.

نارىن-سىرداريا سۋ قويمالارى قۇلاماسى جۇمىسىنىڭ ەنەرگەتيكالىق رەجيمگە اۋىسۋىنا بايلانىستى شاردارا سۋ قويماسىنا اعىن ۆەگەتاتسيالىق كەزەڭدە ازايادى جانە ۆەگەتاتسيا ارالىق كەزەڭدە ۇلعايادى.

وسىعان بايلانىستى شاردارا سۋ قويماسىن سۋ تاستاۋ جانە تولتىرۋ رەجيمى سىرداريا وزەنىنىڭ جوعارعى اعىسىندا ورنالاسقان سۋ قويمالارىنىڭ جۇمىس رەجيمىنە جانە كورشى ەلدەردەگى سۋ شارۋاشىلىعى جاعدايىنا بايلانىستى.

بۇگىنگى تاڭدا شاردارا سۋ قويماسى تولتىرۋ رەجيمىندە جۇمىس ىستەيدى. سۋ قويماسىنان سۋدى اعىزۋ 50 م3/سەك اعىنمەن جۇزەگە اسىرىلادى، كەلگەن سۋدىڭ كولەمى 140 م3/سەك قۇرايدى. شاردارا سۋ قويماسىنان سۋ اعىزۋ اعىندىلىقتىڭ ۇلعايۋىنا قاراي كوبەيەدى.

«سونىمەن بىرگە تاجىكستان جانە وزبەكستان ەلدەرىندە ۆەگەتاتسيا كەزەڭى اعىمداعى جىلعى قازاننىڭ سوڭىنا دەيىن جالعاسادى. سوندىقتان شاردارا سۋ قويماسىنا سۋدىڭ ءتۇسۋى جانە سىرداريا وزەنىنىڭ تومەنگى اعىسىنا سۋ جىبەرۋ كولەمىن ۇلعايتۋ ماسەلەسى اعىمداعى جىلعى قاراشادا مەملەكەتارالىق ۇيلەستىرۋ سۋ شارۋاشىلىعى كوميسسياسىنىڭ كەزەكتى 81-ءشى وتىرىسىندا سىرداريا وزەنىنىڭ باسسەينى بويىنشا 2021 جىلعى ۆەگەتاتسيالىق كەزەڭنىڭ قورىتىندىلارى شىعارىلىپ، 2021-2022 جىلعى ۆەگەتاتسياارالىق كەزەڭىندە مەملەكەتتەردىڭ سۋ الۋ ليميتتەرى مەن نارىن-سىرداريا سۋ قويمالارى كاسكادىنىڭ بولجامدى جۇمىس رەجيمىن كەلىسۋ كەزىندە قارالاتىنىن حابارلايمىز»، دەلىنگەن مالىمدەمەدە.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار