قر دەنساۋلىق ساقتاۋ ءمينيسترى الەكسەي تسوي ۇكىمەت وتىرىسىندا وسىنداي دەرەك كەلتىردى.
«بۇكىل الەمدە كوروناۆيرۋس ينفەكتسياسىنىڭ 240 ميلليوننان استام, تاۋلىگىنە 300 مىڭعا جۋىق جاعداي تىركەلىپ وتىر, 4,9 ميلليوننان استام ادام قايتىس بولدى. دۇنيەجۇزىلىك دەنساۋلىق ساقتاۋ ۇيىمىنىڭ ەۋروپا ايماعىنداعى مالىمەتتەرى بويىنشا, سوڭعى ەكى اپتادا 54 ەلدىڭ 33-ىندە اۋرۋدىڭ ءوسۋى بايقالعان. سوڭعى 14 كۇندە اۋرۋدىڭ ەڭ كوپ ءوسۋى پولشادا بايقالدى. وندا سىرقاتتانۋ دەڭگەيى 122%-دان اسقان. گرۋزيادا – 98%, ۋكراينادا – 69%, ۆەنگريادا – 50-دان استام, ارمەنيادا - 40%-دان استام, رەسەيدە-30%, مولدوۆادا – 20%-دان استام, تۇركيا, اۋستريا جانە گەرمانيا, قىرعىزستان, بەلارۋس ەلدەرىندە 2-دەن 10%- عا دەيىن وسكەن», دەدى الەكسەي تسوي.
ونىڭ ايتۋىنشا, سىرقاتتانۋ دەڭگەيىنىڭ ءتۇسۋى 21 ەلدە بايقالىپ وتىر.
«سىرقاتتانۋ كورسەتكىشى يزرايلدە 61%, يسپانيادا 43%, شۆەيتساريادا 39%, چەرنوگوريادا 24%, يتاليادا 22%, فرانتسيادا 16%, ءازىربايجاندا 7% تۇسكەن. قازاقستاندا كەيىنگى ەكى اپتادا سىرقاتتانۋ 17%-عا تومەندەدى», دەدى دەنساۋلىق ساقتاۋ ءمينيسترى.
