الەم • 19 قازان، 2021

سينگاپۋر تۋريستەر ءۇشىن شەكاراسىن اشتى

45 رەت كورسەتىلدى

سينگاپۋر بيلىگى سەيسەنبىدەن باستاپ ەۋروپانىڭ بىرقاتار ەلىنەن، سونداي-اق كانادا مەن اقش-تان كەلەتىن ۆاكتسينالانعان ساياحاتشىلارعا ارنالعان ءدالىزدى ىسكە قوستى، دەپ حابارلايدى Egemen.kz.

بۇعان دەيىن كەلۋ كەزىندە كارانتيندى الىپ تاستايتىن جەڭىلدەتىلگەن كىرۋ ەرەجەلەرىن كولىك ءمينيسترى س.يسۆاران ايتقان بولاتىن.

«بۇل باعدارلاما ۇلىبريتانيا، دانيا، يسپانيا، يتاليا، كانادا، نيدەرلاندى، اقش جانە فرانتسيا تۇرعىندارى ءۇشىن جارامدى، ولار دۇنيەجۇزىلىك دەنساۋلىق ساقتاۋ ۇيىمى ماقۇلداعان ۆاكتسينالاردىڭ ەكى دوزاسىن العاندار بولۋى كەرەك، كارانتيندە بولۋدان بوساتىلادى، ەلگە كىرۋگە رۇقسات بەرىلەدى»، دەدى ۆەدومستۆو باسشىسى.

بۇل رەتتە سينگاپۋر ۆاكتسيناتسيا تۋرالى تسيفرلىق سەرتيفيكاتتى عانا تانيدى. بيلىك سونىمەن قاتار 19 قازاننان باستاپ سينگاپۋرعا كىرۋ ءۇشىن تالاپ ەتىلەتىن پتر تەستىلەرىنىڭ سانىن تورتتەن ەكىگە دەيىن قىسقارتتى. ءبىرىنشى تەست شەكارادان وتكەنگە دەيىن 48 ساعات بۇرىن، ال ەكىنشىسى رەسپۋبليكاعا كەلگەننەن كەيىن بىردەن تاپسىرىلۋى ءتيىس. سينگاپۋر بيلىگى وتكەن جىلدىڭ ناۋرىز ايىندا شەتەلدىكتەر ءۇشىن شەكارانى تولىعىمەن جاپقان بولاتىن.

كەيىننەن ەپيدەميولوگيالىق جاعدايعا بايلانىستى جەكەلەگەن ەلدەر مەن اۋماقتار ءۇشىن شەكتەۋلەر الىنىپ تاستالدى. قازىر رەسپۋبليكاعا مىندەتتى كارانتينسىز جانە ۆاكتسيناسىز كىرۋگە تەك ماتەريكتىك قىتاي، سونداي-اق گونكونگ، ماكاو جانە تايۆان تۇرعىندارىنا رۇقسات ەتىلگەن.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار