قوعام • 18 قازان، 2021

قازاق-ورىس شەكاراسىندا پتر انىقتاماسى جوق 4 شەتەلدىك ەلگە كىرگىزىلمەدى

67 رەت كورسەتىلدى

تاۋلىك ىشىندە شەكارادان 674 ادام ءوتتى، دەپ حابارلايدى Egemen.kz.

 

«سوڭعى تاۋلىكتە شەكارادان 674 ادام وتكەن، سونىڭ ىشىندە 409-ى - جاياۋ ازامات، ال 286 ادام – فۋرا جۇرگىزۋشىلەرى. كارانتين ستاتسيونارىنا بەس قازاقستاندىق ازامات جاتقىزىلعان، كولىك وتكەلدەرىندە كوروناۆيرۋس ينفەكتسياسىنىڭ راستالعان وقيعالارى تىركەلگەن جوق»، دەپ حابارلادى پاۆلودار وبلىستىق سانيتارلىق-ەپيدەميولوگيالىق قاداعالاۋ دەپارتامەنتىنەن.

سونىمەن قاتار، تاۋلىك ىشىندە تمد-نىڭ ءتورت ازاماتىنا: ءبىر رەسەيلىك، ەكى وزبەكستاندىق جانە ءبىر قىرعىزستاندىق ازاماتقا ەلگە كىرۋگە رۇقسات ەتىلمەگەن. ولار مەملەكەتتىك شەكارادا پتر انىقتاماسىن ۇسىنباعان، وسى سەبەپتى ەلگە كىرگىزىلمەدى.

ەسكە سالا كەتسەك، وتكەن اپتادا قازاقستانعا پاۆلودار وبلىسىنداعى مەملەكەتتىك شەكارادان وسى سەبەپپەن رەسەيدىڭ ەكى ازاماتى مەن ءبىر وزبەكستاندىق جىبەرىلمەگەن.

سوڭعى جاڭالىقتار

ۇقساس جاڭالىقتار