ايماقتار • 18 قازان، 2021

قىزىلوردادا قوقىستان شالا تۋعان بالانىڭ دەنەسى تابىلدى

57 رەت كورسەتىلدى

قىزىلوردا وبلىسىندا قوقىس كونتەينەرى جانىنان شالا تۋعان بالانىڭ دەنەسى تابىلدى، دەپ حابارلايدى Egemen.kz.

وقيعا بۇگىن، 18 قىركۇيەكتە قارماقشى اۋدانىنا قاراستى تورەتام كەنتى جانقوجا باتىر كوشەسىندەگى № 27 كوپقاباتتى ءۇيدىڭ اۋلاسىندا ورنالاسقان كۇل-قوقىس جينايتىن كونتەينەر ماڭىندا تىركەلدى.

«سول اۋماقتان دالا سىپىراتىن جۇمىسشى قوقىس جيناۋ بارىسىندا شالا تۋىلعان بالا تۇسىك دەنەسىن كورگەن.

اتالمىش دەرەك بويىنشا قر قىلمىستىق كودەكسىنىڭ 100-بابى (جاڭا تۋعان بالانى اناسىنىڭ ءولتiرۋi) بويىنشا قىلمىستىق ءىس قوزعالدى. بۇل ءىس قر ىشكى ىستەر مينيسترلىگىنىڭ بايقوڭىر قالاسىنداعى وكىلدىگىنىڭ سوتقا دەيىنگى تەرگەپ-تەكسەرۋ بىرىڭعاي تىزىلىمىنە تىركەلدى. ول بويىنشا سوتقا دەيىنگى تەرگەپ-تەكسەرۋ ارەكەتتەرى جۇرگىزىلۋدە»، دەپ ءمالىم ەتتى قر ىشكى ىستەر مينيسترلىگىنىڭ بايقوڭىر قالاسىنداعى وكىلدىگىنەن.

سوڭعى جاڭالىقتار

ۇقساس جاڭالىقتار