سپورت • 18 قازان، 2021

گرەكيادا وليمپيادا الاۋى جاعىلدى

98 رەت كورسەتىلدى

وليمپيادا الاۋىن جاعۋ ءراسىمى كورەرمەنسىز ءوتتى. وعان تەك رەسمي تۇلعالار – ەل پرەزيدەنتى كاتەرينا ساكەللاروپۋلۋ، حالىقارالىق وليمپيادا كوميتەتىنىڭ پرەزيدەنتى توماس باح، گرەكيا وليمپيادا كوميتەتىنىڭ باسشىسى سپيروس كاپرالوس جانە تاعى باسقالارى قاتىستى، دەپ حابارلايدى Egemen.kz.

الاۋدى جاعۋ ءراسىمى YouTube ارناسىنان كورسەتىلدى.

وليمپيادا الاۋىنىڭ شىراعىن ءبىرىنشى بولىپ تاۋ شاڭعىشىسى يواننيس انتونيۋ كوتەرەدى.

الاۋ ەجەلگى وليمپيا ستاديونىنان قازىرگى زامانعى وليمپيادا ويىندارىنىڭ نەگىزىن قالاۋشى، فرانتسۋز بارونى پەر دە كۋبەرتەن ەسكەرتكىشىنە دەيىن اپارىلادى.

تۇنگە قاراي ونى افينانىڭ اكروپولىنە اپارىپ، 19 قازاندا قىتاي دەلەگاتسياسىنا تابىستايدى. گرەكيادا الاۋ ەستافەتاسى COVID-19 ۆيرۋسىنا بايلانىستى وتكىزىلمەدى.

ايتا كەتسەك، قىسقى وليمپيادا ويىندارى بەيجىڭدە 2022 جىلعى 4-20 اقپان كۇندەرى ارالىعىندا وتەدى.

سوڭعى جاڭالىقتار

ۇقساس جاڭالىقتار