قازاقستان • 18 قازان، 2021

استىق ءتۇسىمى تومەن - اشم

161 رەت كورسەتىلدى

قر اۋىل شارۋاشىلىعى ءمينيسترى ەربول قاراشوكەەۆ بيىلعى استىق ونىمىنە بولجامىن ايتتى، دەپ حابارلايدى Egemen.kz.

«شىنىندا دا، بيىل استىق ونىمدەرىنىڭ ءتۇسىمى وتكەن جىلمەن سالىستىرعاندا تومەن بولدى. استىق بويىنشا بىزدە شامامەن 16 ملن تەڭگە بولادى دەپ جوسپارلاپ وتىرمىز. ونىمدىلىك – ورتاشا. جالپى ونىمدىلىك 10 تسەنتنەر دەڭگەيىندە بايقالدى. ءبىز قازىر جيناپ وتىرعان كولەمنىڭ ىشكى قاجەتتىلىكتى وتەۋ ءۇشىن جەتكىلىكتى بولاتىنىن ايتقىم كەلەدى. ال ىشكى قاجەتتىلىك - نان مەن ازىق-ت ۇلىككە ارنالعان بيداي. ارينە بىزدە تۇقىمدىق ماتەريال رەتىندە 2 ملن توننا استىق كەتەدى، سونداي-اق مال شارۋاشىلىعىندا جەم استىعى قارقىندى پايدالانىلادى. تيىسىنشە، ەكسپورتتىق الەۋەتتىڭ كولەمى بالانسقا كىرەتىن 3 ملن توننا استىقتى ەسكەرەدى. ءبىزدىڭ ەكسپورتتىق الەۋەتىمىز شامامەن 6،5 ملن توننانى قۇرايدى»،  دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.

ونىڭ ايتۋىنشا، جالپى بۇۇ ازىق ت ۇلىك جانە اۋىل شارۋاشىلىعى ۇيىمى ورتا مەرزىمدى پەرسپەكتيۆادا ازىق-ت ۇلىك توبىنا ءوسىم بولادى دەگەن بولجام بار.

«ىشكى باعالارعا كەلسەك، استىق جانە ونىڭ قايتا وڭدەلگەن ءونىمى – ۇن ەكسپورتتىق تاۋار ەكەنىن ەسكەرسەك، وسى ونىمدەرگە الەمدىك باعالاردىڭ كونيۋنكتۋراسىنا تىكەلەي بايلانىستى. جالپى، وسىعان بايلانىستى باعانىڭ ءوسۋى بايقالادى. دەگەنمەن، بىرقاتار وڭىرلەردە ونىمدىلىكتىڭ تومەن بولعانىن ەسكەرسەك، تيىسىنشە فەرمەرلەردە دە ەلەۋلى شىعىن بولدى جانە استىقتىڭ وزىندىك قۇنى ءوستى. وسىعان بايلانىستى استىق باعاسىنىڭ ءوسۋى ءبىر جاعىنان فەرمەرلەردىڭ قارجىلىق جاعدايىنا جاعىمدى اسەر ەتەدى، ويتكەنى ەكسپورتتىق ءتۇسىم ەسەبىنەن كەلەسى جىلدىڭ كوكتەمگى-دالالىق جۇمىستارىن تابىستى جۇرگىزۋ ءۇشىن بارلىق شارالار كەشەنىن دايىنداۋ قاجەت»، دەپ تولىقتىردى مينيستر.

مينيستر نان باعاسىنىڭ ماڭىزدى ماسەلەلەردىڭ ءبىرى ەكەنىن اتاپ ءوتتى.

ء«بىز نان باعاسىنىڭ تۇراقتىلىعىن قامتاماسىز ەتۋ بويىنشا بىرقاتار شارا قابىلداپ جاتىرمىز. بىرىنشىدەن، نان وندىرەتىن بارلىق كاسىپورىنداردى استىقپەن، ۇنمەن قامتاماسىز ەتۋ. وسى ماقساتتا ازىق-ت ۇلىك كەلىسىمشارت كورپوراتسياسى مەملەكەتتىك رەزەرۆتەردەن ارزانداتىلعان استىقتى الەۋمەتتىك نان پىسىرۋگە ۇن تارتۋ كاسىپورنىنا جىبەرۋى ءۇشىن قازىرگى زاڭناماعا وزگەرىستەر ەنگىزەمىز. ۇكىمەت بۇل ماسەلەنى تۇراقتى باقىلاۋدا ۇستاپ وتىر. وڭىرلەر تۇراقتاندىرۋ قورلارىندا نان-توقاش ونىمدەرىن جاساۋ ءۇشىن ۇن جينايدى. جاڭا جىلدان كەيىن بۇل جۇمىسقا ازىق-ت ۇلىك كەلىسىمشارت كورپوراتسياسى قوسىلادى. وزدەرىڭىز بىلەتىندەي، كورپوراتسيا فورۆاردتىق ساتىپ الۋ ەسەبىنەن شامامەن 680 مىڭ توننا استىق ساتىپ الدى، جارتىسىنان كوبى فورۆاردتىق ساتىپ الۋ بويىنشا جەتكىزىلدى»، دەدى مينيستر.

سوڭعى جاڭالىقتار

ۇقساس جاڭالىقتار