ەلوردا • 18 قازان، 2021

ەلوردادا ارنايى وپەراتسيا ءوتتى

103 رەت كورسەتىلدى

نۇر-سۇلتاندا پوليتسەيلەر ارنايى وپەراتسيا وتكىزدى، دەپ حابارلايدى Egemen.kz.

قالا اۋماعىندا زاڭسىز قۇمار ويىندارىن ۇيىمداستىرۋمەن اينالىساتىن قىلمىستىق توپ ۇستالدى. توپ قۇرامىنا بۇرىن ۇقساس قىلمىستار جاساعانى ءۇشىن سوتتالعان ادامدار كىردى.

جەدەل ۋاكىلدەر توپتىڭ ناقتى يەرارحياسىن جانە قىلمىسكەرلەردىڭ رولدەرىن ءبولۋدى انىقتادى.

«بىرەۋلەرى جالعان ويىنشىلار مەن ديلەرلەرگە، باسقالارى تاڭبالانعان كارتالاردى قامتاماسىز ەتۋ جانە ءۇي-جايلاردى تاڭداۋ ءۇشىن، ۇشىنشىلەرى الەۋەتتى ويىنشىلاردى جانە «قۇرباندار» دەپ اتالاتىنداردى تاڭداۋ ءۇشىن جاۋاپ بەردى»، دەدى نۇر-سۇلتان پد كريمينالدىق پوليتسيا باسقارماسىنىڭ باستىعى دميتري دەميدوۆ.

قىلمىستىق توپتى ۇستاۋ وپەراتسياسىن پوليتسيا قىزمەتكەرلەرى ەلوردانىڭ قول جەتىمدىلىگى شەكتەۋلى مەكەمەلەرىنىڭ بىرىندە وتكىزدى، وندا كەزەكتى «ويىن» ۇيىمداستىرىلدى.

ءتىنتۋ بارىسىندا پوليتسەيلەر قۇمار ويىندارىن وتكىزۋگە قاجەتتى ۇلكەن قاراجات پەن باسقا دا اتريبۋتتاردى، سونىڭ ىشىندە ارنايى تەحنيكالىق قۇرالداردى تاركىلەدى.

قازىرگى ۋاقىتتا ۇيىمداستىرۋشىلار مەن قاتىسۋشىلار ۇستالىپ، ۋۇي-عا قامالدى. تەرگەۋ امالدارى جۇرگىزىلىپ جاتىر.

سوڭعى جاڭالىقتار

ۇقساس جاڭالىقتار