ايماقتار • 18 قازان، 2021

ورالدا تۇرعىن ءۇي ورتەندى

235 رەت كورسەتىلدى

ورالدا 6 پاتەرلىك تۇرعىن ءۇي ورتەنىپ كەتتى، دەپ حابارلايدى Egemen.kz.

بقو تج دەپارتامەنتىنىڭ ءباسپاسوز قىزمەتى ءمالىم ەتكەنىندەي، وقيعا 17 قازان كۇنى ساعات 19.10-دا وتە مۋسين كوشەسى №3-مەكەنجايىندا بولعان. 

ءورتتىڭ اۋماعى 250 شارشى مەتردى قۇرادى. ء«تىلسىز جاۋ» تج دەپارتامەنتىنىڭ كۇشىمەن (26 قىزمەتكەر، 11 تەحنيكا) ساعات 21.30-دا وقشاۋلانىپ، 22.46-دا ءسوندىرىلدى.

سونداي-اق بۇدان ءبىر كۇن بۇرىن، 16 قازان كۇنى ساعات 20.30-دا بايتەرەك اۋدانى اسان اۋىلى ميرنىي كوشەسى 24-مەكەنجايدا ەكى قاباتتى تۇرعىن ۇيگە جاپسارلاس ورنالاسقان گاراج بەن مونشا، اس ءۇي مەن جۋىنۋ بولمەسى جاندى.

جالپى اۋدانى – 140 شارشى مەتر. ءورت ساعات 21.28-دە وقشاۋلانىپ، 21.48-دە ءسوندىرىلدى. ەكى وقيعادان دا زارداپ شەككەندەر جوق.

قازىرگى كەزدە ورتتەردىڭ شىعۋ سەبەبى، كەلتىرىلگەن شىعىن، كىنالى ادامدار انىقتالۋ ۇستىندە.

سوڭعى جاڭالىقتار

ۇقساس جاڭالىقتار