ءورت ءسوندىرۋ بەكەتى شامامەن 1067 ادام تۇراتىن ازات اۋىلىن جانە جاقىن ورنالاسقان اۋىلدىق وكرۋگتەرىن دە ورتكە قارسى قورعاۋدى قامتاماسىز ەتەدى. ءورت ءسوندىرۋ بەكەتىنىڭ جۇمىس ىستەۋى تاۋلىك بويى جانە جىل بويى جۇزەگە اسىرىلاتىن بولادى, وندا قىزمەتتى اۋىسىم بويىنشا 6 ادام اتقاراتىن بولادى. دايىندىق ءىس-شارالارى كەزەڭىندە اقكول قالاسى 26-ءوسب جەكە قۇرامى اقكول اۋدانىنىڭ تجب قولداۋىمەن اۋدان اكىمدىگىمەن ءوزارا ءىس-قيمىل جاساۋ ءۇشىن جەرگىلىكتى اتقارۋشى ورگانداردىڭ بالانسىنا بەرىلگەن ءورت ءسوندىرۋ اۆتوماشيناسىنا جوندەۋ جۇرگىزىلدى, اكىمدىك ءورت سوندىرۋشىلەر ءۇشىن 590 مىڭ تەڭگە سوماسىنا ءورت-تەحنيكالىق قارۋ-جاراق پەن جاۋىنگەرلىك كيىم جانە جاراق ساتىپ الدى.
ءورت ءسوندىرۋ بەكەتى «التىن جەر استانا 2020» شق بازاسىندا ورنالاسقان جانە بەكەتتىڭ جەكە قۇرامىنا جۇمىس ىستەۋ ءۇشىن جاعداي جاسالعان.
ءورت ءسوندىرۋ بەكەتى جىلىتىلاتىن گاراجبەن قامتاماسىز ەتىلگەن, تەلەفون بايلانىسى جۇمىس ىستەيدى. تاۋلىكتىك جاۋىنگەرلىك كەزەكشىلىككە اۋىل تۇرعىندارى قاتارىنان بەكەتتىڭ جەكە قۇرامى كىرىستى. جەكە قۇراممەن اقكول قالاسىنىڭ 26-ءوسب بازاسىندا وقىتۋ جۇرگىزىلگەن. جاڭادان قۇرىلعان كوماندا تەك ورتتەرگە عانا ەمەس, سونداي-اق ولاردىڭ جاۋاپكەرشىلىك ايماعىندا بولىپ جاتقان باسقا دا توتەنشە جاعدايلاردى جويۋعا قاتىسادى, قيىن جاعدايعا تاپ بولعان ادامدارعا كومەك كورسەتەدى جانە ەلدى مەكەندەردىڭ تۇرعىندارى اراسىندا ۇگىت-ناسيحات جۇمىستارىن جۇرگىزەدى. سونىمەن قاتار اۋدان اكىمى ەلدى مەكەندەر مەن دالا القاپتارىن ورتتەن قورعاۋعا كوپ كوڭىل بولەدى. بۇل بەكەتتىڭ جۇمىسى «التىن جەر استانا 2020» شق ديرەكتورى م.ن.تولەۋبەكوۆتىڭ اتىنان مەملەكەتتىك-جەكە مەنشىك ارىپتەستىك اياسىندا قولعا الىندى.
ءورت ءسوندىرۋ بەكەتىنىڭ اشىلۋى اۋىلدىق وكرۋگتەر مەن جالپى اۋدان تۇرعىندارى ءۇشىن تەحنوگەندىك جانە تابيعي سيپاتتاعى توتەنشە جاعدايلاردان قاۋىپسىزدىكتىڭ ۇزاق مەرزىمدى كەپىلى بولاتىنى ءسوزسىز.
