فۋتبول • 16 قازان، 2021

فۋتبولدان قازاقستان چەمپيوناتى: «قايرات» سىرت الاڭدا «اقتوبەنى» جەڭدى

105 رەت كورسەتىلدى

بۇگىن فۋتبولدان پرەمەر-ليگا كوماندالارى اراسىنداعى ەل بىرىنشىلىگىنىڭ 24-تۋرى اياقتالدى، دەپ حابارلايدى Egemen.kz.

اتالعان تۋردىڭ العاشقى ويىن كۇنىندە ءتورت كەزدەسۋ وتكىزىلدى. الماتىنىڭ «قايراتى» سىرت الاڭدا «اقتوبەمەن» شەبەرلىك بايقاستى.

ويىن بارىسىندا الماتىلىق كلۋب ساپىنان 31-مينۋتتا ارتۋر شۋشەناچەۆ ەسەپ اشسا، 41-مينۋتتا گۇلجىگىت الىقۇلوۆ ەسەپتى ۇستەمەلەي ءتۇستى. ال 73-مينۋتتا ءنۇرالى ءالىپ اۆتوگول اۆتورى اتاندى. ويىندا «قايرات» قارسىلاسىن 2:1 ەسەبىمەن تىزە بۇكتىردى.

شىمكەنتتىڭ «ورداباسى» كومانداسى ءوز الاڭىندا «اتىراۋدان» 2:1 ەسەبىمەن باسىم ءتۇستى. الدىمەن اتىراۋلىق اللەف دە اندرادە رودريگەش 47-مينۋتتا ەسەپ اشسا، ودان كەيىن شىمكەنتتىك كلۋبتان سۇلتانبەك استانوۆ – 56، ابدۋللاي دياكاتە 73-مينۋتتاردا قوس گول سوعىپ كەتتى.

تاعى ءبىر كەزدەسۋدە قاراعاندىنىڭ «شاحتەرى» ءوز الاڭىندا اقتاۋدىڭ «كاسپيىن» 1:0 ەسەبىمەن ءسۇرىندىردى. كەزدەسۋ تاعدىرىن شەشكەن جالعىز گولدى 70-مينۋتتا يدريس ۋماەۆ ءوزىنىڭ ەنشىسىنە جازدى.

سوڭعى جاڭالىقتار

ۇقساس جاڭالىقتار