ANTIKOR • 16 قازان، 2021

سىبايلاس جەمقورلىقپەن كۇرەس قىزمەتكەرلەرىنە ىرىكتەۋ ءجۇرىپ جاتىر

433 رەت كورسەتىلدى

ەلىمىزدە سىبايلاس جەمقورلىققا قارسى كۇرەس قىزمەتى سالاسىندا ەڭبەك ەتۋگە نيەتتى ماماندار الدىمەن كاسىبي دايارلىقتان وتەدى. ول بويىنشا بۇگىندە ماماندار اراسىندا ىرىكتەۋ ءوتىپ جاتىر، دەپ حابارلايدى Egemen.kz.

بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگى ءمالىم ەتتى.

«سىبايلاس جەمقورلىققا قارسى ءىس-قيمىل اگەنتتىگى قىزمەتكە العاش كىرىسەتىن مامانداردى كاسىپتىك دايارلىقتان وتكىزۋگە ىرىكتەۋ جاريالايدى.

مامانداردىڭ قىزمەتتىك مىندەتتەرىنە سىبايلاس جەمقورلىققا قاتىستى قىلمىستار مەن قۇقىق بۇزۋشىلىقتاردى انىقتاۋ، جولىن كەسۋ، اشۋ جانە تەرگەۋ. كاسىبي دايارلىقتان وتكىزۋگە ىرىكتەۋ جەدەل باسقارمانىڭ وفيتسەرى نەمەسە تەرگەۋ باسقارمانىڭ تەرگەۋشى لاۋازىمى (B-PRO-8 ساناتى) بويىنشا جۇرگىزىلەدى»، دەلىنگەن حابارلامادا.

حابارلامادا ايتىلعانداي، ىرىكتەۋگە قاتىسۋ ءۇشىن قۇجاتتاردى قابىلداۋ اگەنتتىكتىڭ اۋماقتىق بولىمشەلەرىندە 2021 جىلعى 13 قىركۇيەكتەن باستاپ 29 قازانعا دەيىن جالعاسادى.

قۇجاتتار قابىلدانعان سوڭ اگەنتتىكتە جۇمىس ىستىگىسى كەلەتىن ۇمىتكەرلەرمەن اڭگىمەلەسۋ كەزەڭى وتەدى. جانە ىرىكتەۋدەن وتكەن ماماندار قۇقىق قورعاۋ ورگانى اكادەمياسىندا 6 اي بويى ءبىلىمىن جەتىلدىرەدى.

سودان سوڭ سىبايلاس جەمقورلىققا قارسى ءىس-قيمىل اگەنتتىگىنە قىزمەتكە قابىلدانادى.

ۇمىتكەرلەرگە قويىلاتىن نەگىزگى تالاپتار، قازاقستان رەسپۋبليكاسىنىڭ ازاماتى بولۋى، جاسى 18-گە تولعان، بىراق 35 جاستان اسپاۋى قاجەت. سونىمەن قاتار جوعارى زاڭگەرلىك ءبىلىمىنىڭ بولۋى مىندەتتى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار