قوعام • 16 قازان، 2021

بۇۇ: قازاقستان مەن كيريباتي يادرولىق سىناق جاسالعان ايماقتاردى وڭالتۋ جونىندە مالىمدەمە جاسادى

140 رەت كورسەتىلدى

قازاقستان رەسپۋبليكاسى مەن كيريباتي رەسپۋبليكاسى يادرولىق قارۋعا تىيىم سالۋ تۋرالى شارتتىڭ (ياقتسش) اياسىنداعى وڭ مىندەتتەمەلەرىن قولدايتىن بىرلەسكەن مالىمدەمە قابىلدادى، دەپ حابارلايدى Egemen.kz.

بۇل تۋرالى ءسىم ءباسپاسوز قىزمەتى مالىمدەدى.

قۇجات بۇۇ باس اسسامبلەياسىنىڭ ءبىرىنشى كوميتەتىنىڭ وتىرىسىندا سەمەي سىناق پوليگونى جابىلۋىنىڭ 30 جىلدىعىنا وراي قابىلداندى. كيريباتي – تىنىق مۇحيتتەگى ارالدىق مەملەكەت، حح عاسىردىڭ 50-60 جىلدارىندا اقش مەن ۇلىبريتانيا جۇرگىزگەن يادرولىق سىناقتاردىڭ سالدارىنان زارداپ شەككەن.

اتالعان شارتتىڭ وڭ مىندەتتەمەلەرى يادرولىق سىناقتاردان كەيىنگى رادياتسيادان زارداپ شەككەن ازاماتتاردى وڭالتۋ جانە قورشاعان ورتانى قالپىنا كەلتىرۋ بويىنشا كومەك شارالارىن كوزدەيدى.

ياقتسش 2017 جىلى 7 شىلدەدە 122 مەملەكەتتىڭ قولداۋىمەن قابىلدانىپ، 2021 جىلدىڭ قاڭتارىندا كۇشىنە ەندى (50 مەملەكەت راتيفيكاتسيالاعان كەيىن). بۇل قۇجات يادرولىق قارۋدى زاڭسىز دەپ جاريالايدى، ونىڭ تولىق جويۋىنا جولىنداعى ماڭىزدى قادام بولىپ تابىلادى.

قازاقستان شارتتى ازىرلەۋ بويىنشا كەلىسسوزدەرگە بەلسەندى قاتىستى، ال 2019 جىلى 29 تامىزدا 26-شى مەملەكەت رەتىندە بۇۇ حاتشىلىعىنا راتيفيكاتسيا قۇجاتىن ەنگىزدى، سونىڭ ارقاسىندا ونىڭ كۇشىنە ەنۋىنە جاڭا سەرپىن بەردى.

 

 

سوڭعى جاڭالىقتار

ۇقساس جاڭالىقتار