ايماقتار • 15 قازان، 2021

اقمولا وبلىسىندا 30-دان استام ەلدى مەكەننىڭ اتاۋى وزگەردى

89 رەت كورسەتىلدى

كوكشەتاۋدا اۋداندىق جانە قالالىق مادەنيەت جانە تىلدەردى دامىتۋ بولىمدەرىنىڭ باسشىلارى مەن سول سالاعا جاۋاپتى مامانداردىڭ قاتىسۋىمەن ادىستەمەلىك سەمينار ءوتتى، دەپ حابارلايدى Egemen.kz وبلىستىق ىشكى ساياسات باسقارماسىنا سىلتەمە جاساپ.

جيىندا اقمولا وبلىسىنىڭ ۇلتتىق توپونيمياسى تۋرالى زەرتتەۋلەر بارىسىندا انىقتالعان باستاپقى تاريحي-گەوگرافيالىق اتاۋلارىن قالپىنا كەلتىرە وتىرىپ، ەلدى مەكەندەردى قايتا اتاۋ ماسەلەلەرى تالقىلاندى.

سەميناردى اشقان وبلىستىق ىشكى ساياسات باسقارماسى باسشىسىنىڭ ورىنباسارى گۇلميرا كارىموۆا سوڭعى 3 جىلدا وسى سالادا اتقارىلعان جۇمىستاردىڭ قورىتىندىلارىنا توقتالدى.

ء«بىزدىڭ وبلىستا ونوماستيكا سالاسىندا بىرقاتار جۇمىستار جۇرگىزىلۋدە. 2018-2020 جىلدارى 1000-عا جۋىق كوشە مەن 30-دان استام ەلدى مەكەن اتاۋى وزگەرتىلدى، كوپتەگەن نىساندارعا تانىمال تۇلعالاردىڭ ەسىمدەرى بەرىلدى»، دەپ اتاپ ءوتتى گۇلميرا كارىموۆا.

ونىڭ ايتۋىنشا، اقمولا وبلىسىنىڭ ىشكى ساياسات باسقارماسى ەكى جىل بويى زەرتتەۋ جۇمىستارىن جۇرگىزۋگە قاراجات ءبولىپ كەلەدى.

ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ارحەولوگيا جانە ەتنولوگيا فاكۋلتەتىنىڭ پروفەسسورى جامبىل ارتىقباەۆ جانە قر ۇلتتىق مۋزەيىنىڭ قىزمەتكەرى يرينا بەكزاتقىزىنىڭ عىلىمي ىزدەنىستەرىنىڭ ارقاسىندا 120-دان استام ەلدى مەكەننىڭ تاريحي اتاۋلارى تابىلىپ، ول مۇراعات قۇجاتتارىمەن راستالادى.

سەميناردا تىلدەردى دامىتۋ جانە ونوماستيكا ءبولىمىنىڭ باسشىسى ايگۇل تالپاقوۆا قاتىسۋشىلاردىڭ نازارىن ونوماستيكالىق جۇمىستاردى ۇيىمداستىرۋدا تالاپتاردى ساقتاۋ قاجەتتىگىنە اۋدارسا، وسى ءبولىمنىڭ باس مامانى اسەم جۇماعۇلوۆا ەلدى مەكەندەر مەن ونىڭ قۇرامداس بولىكتەرىنىڭ اتاۋلارىن وزگەرتۋگە قاتىستى قۇجاتتاردى رەسىمدەۋ تارتىبىنە نازار اۋداردى.

«اتاۋىن وزگەرتۋ ماسەلەسى وتە ماڭىزدى، ول سىپايىلىق پەن ويلانۋشىلىقتى تالاپ ەتەدى. مۇندا تەك قۇقىقتىق سالادا ارەكەت ەتۋ كەرەك، ارنايى نورمالار، ەرەجەلەر بار، ولار ارقىلى ەلدى مەكەندەردىڭ تاريحي اتاۋلارىن وزگەرتۋگە بولادى»، دەدى ىشكى ساياسات باسقارماسى باسشىسىنىڭ ورىنباسارى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار