«سپورتتىق سەكتسيالار اشىپ بالالار سپورتىن دامىتامىز دەيمىز, بىراق ونىڭ ەكىنشى جاعى بار. ونى جۇرگىزەتىن ادامنىڭ ەڭبەگىن ۇمىتپاعان ءجون. سوندىقتان دا سپورتتىق سەكتسيا جەتەكشىلەرىنىڭ جالاقىسىنا قوسىمشا 17 مىڭ تەڭگە ۇستەمەاقى تولەنەدى. بالالارعا ارنالعان سپورتتىق سەكتسيا اپتاسىنا 3 رەت ءوتىپ تۇرۋى ءتيىس. ونى مەكتەپتىڭ دەنە شىنىقتىرۋ ءپانى جۇرگىزەدى. بۇعان دەيىن سپورتتىق سەكتسيالار تەگىن تۇردە وتكىزىلەتىن, ەندىگى ۋاقىتتا وعان قوسىمشا ۇستەمەاقى تولەنەدى. وقۋىشىلاردا تاڭداۋ بولۋ ءۇشىن سپورتتىڭ بارلىق ءتۇرىن قامتۋعا تىرىسامىز. ونىڭ ىشىندە فۋتبول, ۆولەيبول, باسكەتبول, شاحمات جانە تاعى باسقا. سونداي-اق ۇلتتىق سپورت تۇرلەرى دە بار», دەدى ا. ايماعامبەتوۆ ەلوردادا ءوتىپ جاتقان ۇلتتىق مەكتەپ سپورت ليگاسى بارىسىندا.
ءمينينستردىڭ ايتۋىنشا, اتالعان تولەماقىنى بەلگىلەۋ بيىل قىركۇيەك ايىنان باستاپ قولعا الىندى.
ء«بىزدىڭ ماقسات – بالالاردى كوپتەپ سپورتقا تارتۋ, باۋلۋ. سپورتتى ىلگەرىلەتۋگە قاتىستى جۇمىستى مادەنيەت جانە سپورت مينيسترلىگىمەن بىرلەسىپ جۇرگىزەتىن بولامىز», دەپ قوستى ول.
