• 13 اقپان, 2014

بارىمتاشىلاردىڭ جولىن كەستى

378 رەت

كورسەتىلدى

1 مين

وقۋ ءۇشىن

Egemen Qazaqstan

وتكەن دەمالىس كۇندەرى تاراز شەكارا وتريادىنىڭ شەكاراشىلارى زاڭسىز جولمەن شەكارادان بارلىعى 22 باس جىلقىنى وتكىزبەك بولعانداردىڭ جولىن كەستى, دەپ حابارلادى قر ۇقك شق-نىڭ ءباسپاسوز قىزمەتى. «جاسوركەن» زاستاۆا شەكاراشىلارى زاڭسىز جولمەن جىلقى ايداپ كەلە جاتقان 2 ادامدى ۇستادى, ونىڭ ءبىرى قىرعىزستان ازاماتى بولسا, ەكىنشىسى ءوزىمىزدىڭ وتانداسىمىز بولىپ شىقتى. ۇستالعاندار 14 باس جىلقىنى كورشى مەملەكەتتەن ءبىزدىڭ ەلگە وتكىزبەك بولعان. بۇدان ءبىر كۇن كەيىن «ءشولدالا» شەكارا زاستاۆاسىنىڭ شەكاراشىلارى شەكارانىڭ بۇزىلعاندىعىن جانە ونداعى بەلگىسىز ىزدەردى انىقتاعان بولاتىن. ىزدەستىرۋ شارالارىن ۇيىمداستىرۋ ءناتيجەسىندە الگى ىزدەر «بەكتوبە» ەلدى مەكەنىندەگى ءبىر ۇيگە الىپ كەلدى. ءۇي يەسى زاڭسىز وتكەن جىلقىلاردى «كاماز» جۇك كولىگىنە تيەپ جاتقان كەزدە قولعا ءتۇستى. ال 8 باس جىلقى زاستاۆاعا قامالدى, ولاردىڭ كەيىنگى تاعدىرىن شەشۋ ءۇشىن ءىستى قر قك 209-بابىنىڭ 1-تارماعىنا سايكەس جامبىل اۋداندىق پروكۋراتۋراسىنا بەرۋ كوزدەلىپ وتىر. اتالعان دەرەكتەر بويىنشا جامبىل وبلىستىق قۇقىق قورعاۋ ورگاندارى مەن ءوڭتۇستىك اۋماقتىق اسكەري پروكۋراتۋراسى حابارلاندىرىلدى.