ۇستاز

«ۇستازدىق ەتكەن جالىقپاس, ۇيرەتۋدەن بالاعا», دەپ ۇلى اباي ايتقانداي, ناعىز ۇستازدار شىندىعىندا قانشا جاسقا كەلسە دە, وسكەلەڭ ۇرپاقتى وقىتىپ-تاربيەلەۋدەن شارشامايتىنى انىق ەكەن. ونىڭ جارقىن دالەلى رەتىندە مەن ءۇشىن عىلىمدا پاراساتتى, ومىردە ۇلاعاتتى ۇستاز بولعان پەداگوگيكالىق عىلىمدار اكادەمياسىنىڭ اكادەميگى, قازاقستاننىڭ ەڭبەك سىڭىرگەن قايراتكەرى, پەداگوگيكا عىلىمدارىنىڭ دوكتورى, پروفەسسور بولات ابدىكارىم ۇلىن تولىق ايتۋعا بولادى. قازاقستاننىڭ عىلىمي-پەداگوگيكالىق قاۋىمداستىعى  ب.ابدىكارىم ۇلىن ەلiمiزدiڭ توپتان وزعان بەلگiلi دە بiلiمدار وقىمىستى, جاڭا تولقىن جاس عالىمدار مەكتەبىن قالىپتاستىرعان بىلىكتى مامان رەتiندە جاقسى بiلەدi. ونىڭ جەتەكشىلىگىمەن پەداگوگيكا سالاسىنان 12 عىلىم دوكتورى, 60 عىلىم كانديداتى, ەكونوميكا بويىنشا 4 عىلىم كانديداتى جانە بىرنەشە ماگيسترلەر دارەجەلەرىن ابىرويمەن قورعادى. تەكتى ەلدىڭ ءتالىمى مەن تاربيەسىن بويىنا سىڭىرە وتىرىپ, قاسيەتتى سارىارقانىڭ كەڭ بايتاق دالاسىندا ءبىلىم مەن عىلىمدى دامىتۋ ءۇشىن بولات اعا ايانباي ەڭبەك ەتىپ كەلە جاتىر. «قارياسى بار ءۇيدىڭ – قازىناسى بار», دەپ دانا حالقىمىز بەكەر ايتپاعان.  ومىردەن كورگەنى مەن تۇيگەنى كوپ, كاسىپتىك ءبىلىم بەرۋ سالاسىنان تاجىريبەسى مول, عىلىمدا وزىندىك قولتاڭباسى بار كورنەكتى عالىم بۇگىندە ەلورداداعى س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە قىزمەت ەتىپ, ونىڭ دامۋىنا مول ۇلەس قوسىپ وتىر. «ءالىپتى تاياق دەپ بىلمەيتىن سابيدەن سانالى ازاماتتى قالاي تاربيەلەپ شىعارۋدى»  زەرتتەيتىن پەداگوگيكانى عىلىمنىڭ تورەسى دەپ مويىندامايتىن ادام ءوزىن وسى كۇيىندە اسپاننان اياعى سالبىراپ تۇسە سالعانداي سەزىنەتىن شىعار مۇمكىن. دەگەنمەن, ادامدى تاربيەلەۋ ەڭ كۇردەلى ءىس ەكەندىگىن كىمدە-كىم بولسىن مويىندايتىنى حاق. مىنە, وسىنداي ۇلكەن جاۋاپكەرشىلىكتى ءىستىڭ باسىندا تۇرىپ, كۇنى بۇگىنگە دەيىن تىڭ يدەيالار ۇسىنىپ عىلىمي ەڭبەكتەر جازۋدان, بويىنداعى ۇلان-عايىر ءبىلىمى مەن ءىس-تاجىريبەسىنەن ءدارىس وقىپ, شاكىرت تاربيەلەۋدەن بولات ابدىكارىم ۇلى ەش جالىققان ەمەس. مەن ءۇشىن ەڭبەك جولىن قاراپايىم جۇمىسشى بولىپ باستاپ, ۇدايى وقىپ, تىنباي ىزدەنىپ, ءوزىن ءوزى جەتىلدىرۋدىڭ ارقاسىندا كەمەل ازامات بيىگىنە جەتىپ, بۇگىندە ەل تانىعان قايراتكەر دارەجەسىنە كوتەرىلگەن ۇستازىمنىڭ ورنى ەرەكشە. دۇنيە دە ءوزى, مال دا ءوزى, عىلىمعا كوڭىل بولسەڭىز. بىلگەندەردىڭ سوزىنە, ماحابباتپەن ەرسەڭىز, دەپ ۇلى اباي اتامىز ايتقانداي, ۇلاعاتتى ۇستازىمنان كوپ نارسە ۇيرەنىپ, ءبىلىمىمدى شىڭداي ءتۇستىم. ونىڭ جەتەكشىلىگىمەن كانديداتتىق جانە دوكتورلىق ديسسەرتاتسيا قورعاپ, بۇگىندە پروفەسسور اتانىپ وتىرمىن. ءيا, بولات اعا قاشاندا ءوزىنىڭ ەرەكشە بىلىمدىلىگىمەن, اسقان پاراساتتىلىعىمەن مەنى ۇنەمى جىگەرلەندىرىپ العا قاراي جەتەلەپ وتىرادى. بيىلعى, ون جەتى اقپان كۇنى بولات ابدىكا­رىم ۇلى ءومىردىڭ تاعى ءبىر  اسقارلى بەلەسىنە شىعىپ, 75 جىلدىق مەرەيتويىن اتاعالى وتىر. وسى ايتۋلى وقيعاعا بايلانىستى بارلىق شاكىرتتەرى اتىنان بولات اعاعا مەرەيجاسىڭىز مەرەكەلى, ءومىرىڭىز بەرەكەلى, دەنساۋلىعىڭىز زور, وتباسىڭىز باقىتتى بولسىن دەيمىز. قارلىعاش سارباسوۆا, پەداگوگيكا عىلىمدارىنىڭ دوكتورى, پروفەسسور. استانا.