تەاتر • 15 قازان، 2021

مۇسىرەپوۆ تەاترىنىڭ تاۋەلسىزدىككە تارتۋى

38 رەت كورسەتىلدى

تەاتر سۇيەر قاۋىم ءۇشىن كوپتەن كۇتكەن ونەر مايرامى! الداعى دەمالىس كۇندەرى باس قالا تورىندە الماتىنىڭ ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى ۇجىمى ەل تاۋەلسىزدىگىنىڭ 30 جىلدىعى اياسىندا گاسترولدىك ساپارىن وتكىزەدى. تالانتتى ترۋپپا ەلوردا كورەرمەندەرىنە ءۇش كۇن بويى قىزىقتى قويىلىمدارىن تارتۋ ەتەدى.

ق.قۋانىشباەۆ اتىنداعى اكادەميالىق قازاق مۋزىكالىق دراما تەاترى ساحناسىندا وتە­تىن ونەر شەرۋىندە 15 قا­زان كۇنى ءى.جانسۇگىروۆتىڭ «قۇ­لا­گەر» ساۋند-دراماسى، 16 قازاندا س.مۇراتبەكوۆتىڭ «جۋ­سان ءيىسى» جانە قازاننىڭ 17-ءسى كۇ­نى ءا.نۇرشايىقوۆتىڭ «ما­حاب­­بات، قىزىق مول جىلدار» قو­يىلىمدارى كورەرمەن نازارىنا ۇسىنىلادى. «قۇلاگەر» مەن «ماحاببات، قىزىق مول جىلدار» سپەكتاكلدەرى تەاتردىڭ كوركەمدىك جەتەكشىسى، جاس تا بولسا تەاتر الەمىنە تىڭنان تۇرەن سالىپ جۇرگەن تالانتتى رەجيسسەر، مەملەكەتتىك «دارىن» جاستار سىيلىعىنىڭ لاۋرەاتى فارحات مولداعاليدىڭ رەجيسسەرلىك قول­­تاڭباسىنا تيەسىلى بولسا، قازاقتىڭ كلاسسيك جازۋشى­سى سايىن مۇراتبەكوۆتىڭ 85 جىل­دىعىنا تاماشا تارتۋ بول­عالى تۇرعان «جۋسان ءيىسى» دراماسىن سوڭعى ۋاقىتتا تەاتر كە­ڭىستىگىندە ەسىمى ءجيى اتالىپ جۇرگەن ەلىمىزدەگى جاڭاشىل رەجيس­سەرلەردىڭ ءبىرى جۇلدىزبەك جۇمانباي ساحنالادى.

ۇلتىمىزدىڭ ءۇش بىردەي ۇلى قالامگەرىنىڭ ادەبي شىعارماسىن ساحنا تىلىندە سويلەتىپ گاسترول­دىك باعدارلاما ءباسىن بيىكتەتكەن ۇجىم جۇمىسى شىن مانىندە قىزىعۋشىلىق تۋدىرادى. اسى­رەسە، تالاي دودادا توپ جارىپ، تەاتر ماماندارىنىڭ جو­عا­رى باعاسىن الىپ ۇلگەرگەن «قۇ­لاگەر» ساۋند-دراماسىنىڭ ساحنالانۋ سىنى مەن سىرى بولەك. ال كىشكەنتاي كورەرمەندەر ءۇشىن 16 قازان كۇنى وينالاتىن ورىستىڭ ايگىلى «جەتى لاق» ەرتە­گىسىنىڭ جەلىسىندە جازىلعان ش.ۇمبەتقاليەۆتىڭ «تۋعان كۇن» قويىلىمى دا 75 جىلدىق تاريحى بار تەاتر گاسترولىنىڭ اجارىن اشا تۇسەرى ءسوزسىز.

سوڭعى جاڭالىقتار

الماتىدا ەپيداحۋال كۇردەلەنىپ بارادى

كوروناۆيرۋس • بۇگىن، 11:00

«سارى» ايماقتا تۇركىستان وبلىسى تۇر

كوروناۆيرۋس • بۇگىن، 09:10

كوروناۆيرۋس قايتا كۇشەيدى

كوروناۆيرۋس • بۇگىن، 08:54

وڭتايلىسى – ونلاين وقۋ

ايماقتار • بۇگىن، 08:53

ساپا ارتپايىنشا، سۋبسيديا جوق

ايماقتار • بۇگىن، 08:45

كوروناۆيرۋس قايتا ءورشىدى

الەم • بۇگىن، 08:42

ۆيرۋس جۇقتىرۋ ازايماي تۇر

كوروناۆيرۋس • بۇگىن، 08:30

اسىعىس شەشىم

قازاقستان • بۇگىن، 08:15

كومەك كورسەتىلەدى

قوعام • بۇگىن، 08:10

قور ستراتەگياسى ازىرلەنەدى

قازاقستان • بۇگىن، 08:00

ۇقساس جاڭالىقتار