قوعام • 15 قازان، 2021

تسيفرلى جۇيە ىسكە قوسىلادى

66 رەت كورسەتىلدى

نۇر-سۇلتانداعى ەقىۇ باعدارلامالار كەڭسەسى، قازاقستان جوعارعى سوتى جانە قۇقىقتىق ساياساتتى زەرتتەۋ ورتالىعى «COVID-19 پاندەمياسى كەزىندە سوت تورەلىگىنە قول جەتكىزۋ» اتتى دوڭگەلەك ۇستەل وتىرىسىن ۇيىمداستىردى.

جيىندا جوعارعى سوت سۋدياسى اسلان تۇكيەۆ «قازىر ازاماتتارعا ىڭعايلى بولۋ ءۇشىن «تسيف­ر­لى اناليتيكا» جانە ء«ىستىڭ ناتيجەسىن بول­­جاۋ» سەرۆيستەرىن ازىرلەپ جاتىرمىز. جۇ­مىس اياقتالۋعا جاقىن، 2022 جىلى بۇل ونىم­دەر­دى پايدالانا الامىز»، دەدى. ونىڭ ايتۋىن­شا، پاندەميا جاعدايىندا قازاقستاننىڭ سوت جۇ­يە­سى ىستەردى قابىلداۋ مەن قاراۋدى ءبىر كۇنگە دە توقتاتپاعان.

«سوت پروتسەسىن ونلاين وتكىزۋدىڭ تيىم­دىلىگىن سىناپ كوردىك. كوپتەگەن ارتىق­شىلىقتارى بار. مىسالى، زاڭگەرلەر مەن ادۆوكاتتار باسقا قالادا، ءتىپتى دەمالىس­تا جۇرسە دە ءبىر كۇندە 2-3 سوت وتىرىسىنا قاتىسا الا­دى. پاندەميا ءبىزدىڭ عانا ەمەس، بۇكىل قوعام­نىڭ ادەت­تەگى ءومىر سالتىن وزگەرتتى. سوت جۇيە­سىنە دە اسەرىن تيگىزبەي قويمادى. الايدا شە­تەل­دىك ارىپتەستەرىمىزگە قاراعاندا، كارانتين جاع­دايىنا جانە تۋىنداعان شەكتەۋلەرگە قارا­ماس­تان، قا­زاقستاندا سوت تورەلىگىنە قول جەتكىزۋ قۇ­قىعى كوپ جاعدايدا قامتاماسىز ەتىلدى. ءبىز ىستەردى قابىلداۋ مەن قاراۋدى ءبىر كۇنگە دە توقتاتقان جوقپىز»، دەدى ا.تۇكيەۆ.

De Factو ادۆوكاتتىق كەڭسەسىنىڭ باسقارۋ­شى ­سەرىكتەسى سەرگەي سيزينتسەۆتىڭ ايتۋىن­­شا، جو­عارعى سوتتىڭ سايتى يندەكس­­­تەۋ، ىز­دەۋ جۇ­يە­سى، تا­قىرىپتىق بولىمدەر، تەگتەۋ جۇيەسى جانە جاريا­لانىمدارىنىڭ بىرىڭعاي بازاسى بار امبەباپ اقپاراتتىق ورتالىق بولۋى ءتيىس. «جال­پى، ءبىز وزگە­­رىستەرگە دايىن بول­دىق. جاڭا جاع­دايدا جۇمىس تاجىريبەمىز بار. بۇل قا­شىق­تان سوت تورەلىگىن جۇرگىزۋدى ودان ءارى دامى­تۋ بويىنشا ۇسىنىستار جاساۋعا مۇمكىندىك بە­رە­دى»، دەدى س.سيزينتسەۆ.

جوعارعى سوت ۇسىنعان ستاتيستيكاعا سۇ­يەن­سەك، 2018 جىلى كۇن سايىن 40، 2019 جىلى – 110، 2020 جىلعى ناۋرىزعا دەيىن – 150 ونلاين وتىرىس ءوتتى. ال 2020 جىلعى توتەنشە جاعداي جاريالانعان العاشقى اپتادا سوتتاردا كۇن سايىن ءبىر مىڭ ءىس ونلاين فورماتتا قا­رال­عان. وتكەن جىلدىڭ ءساۋىر ايىندا كۇن سايىن قارالعان ونلاين-وتىرىستىڭ سانى 4،5 مىڭعا جەتىپ، بارلىق سوت وتىرىستارىنىڭ 95%-ى بەينەبايلانىس رەجىمىندە، WhatsApp، Skype، Zoom سياقتى پلاتفورمالاردى پايدالانا وتىرىپ وتكىزىلگەن.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار