وتىرىس بەينەكونفەرەنتسبايلانىس فورماتىندا وتۋدە. جەەك وتىرىسىنىڭ تىكەلەي كورسەتىلىمىن «حابار 24» تەلەارناسىنان كورۋگە بولادى.
بۇعان دەيىن قر پرەزيدەنتىنىڭ ءباسپاسوز حاتشىسى بەرىك ءۋالي ەاەو ەلدەرى باسشىلارى ەۋرازيالىق ەكونوميكالىق وداق قىزمەتىنىڭ وزەكتى ماسەلەلەرىن, سونداي-اق ەاەو قاتىسۋشى ەلدەرىنىڭ ەكونوميكالىق ىنتىماقتاستىعىن ودان ءارى دامىتۋدى تالقىلايتىنى تۋرالى حابارلاعان بولاتىن.
قاسىم-جومارت توقاەۆ نۇر-سۇلتان قالاسىندا وتكەن «پاريج كەلىسىمى مەن قازاقستاننىڭ كومىرتەگى بەيتاراپتىلىعى ماقساتتارىنا قول جەتكىزۋ جولدارى» اتتى حالىقارالىق كونفەرەنتسيادا جوعارى ەۋرازيالىق ەكونوميكالىق كەڭەستىڭ بۇگىنگى وتىرىسىندا مەملەكەتتەر باسشىلارى وداقتىڭ كليماتتىق كۇن ءتارتىبى تۋرالى مالىمدەمەنى قابىلداۋدى جوسپارلاپ وتىرعانىن مالىمدەدى.
قازاقستان پرەزيدەنتى 15 قازاندا بەلارۋس رەسپۋبليكاسىنىڭ توراعالىعىمەن بەينەكونفەرەنتسبايلانىس فورماتىندا وتەتىن تاۋەلسىز مەملەكەتتەر دوستاستىعى مەملەكەتتەرى باسشىلارى كەڭەسىنىڭ كەزەكتى وتىرىسىنا قاتىسادى. 2022 جىلى تمد-عا توراعالىق قازاقستانعا وتەدى.
