«الماتى وبلىسى پد پوليتسيا قىزمەتكەرلەرى «جەر قويناۋىن قورعايمىز» پروفيلاكتيكالىق ءىس-شاراسىنىڭ ءبىرىنشى كۇنى تابيعات قورعاۋ زاڭناماسىن بۇزۋ فاكتىسىن انىقتادى. كوممەرتسيالىق ۇيىم ەشقانداي قۇجاتسىز وزەن جاعاسىنان قيىرشىق تاسىمالدادى. ۋچاسكەلىك ينسپەكتورلار مەن پاترۋلدىك قىزمەت قىزمەتكەرلەرى ولاردىڭ تەحنيكاسىن الىپ, اكىمشىلىك ماتەريال جاسادى. جالپى, جىل باسىنان بەرى وبلىس اۋماعىندا 24 قىلمىستىق جانە 52 اكىمشىلىك قۇقىق بۇزۋشىلىق فاكتىسى انىقتالىپ, 2 ملن 300 مىڭ تەڭگەدەن استام ايىپپۇل سالىندى», دەپ تۇيىندەدى الماتى وبلىسى پد جپقب وققب اعا ينسپەكتورى سەرىك بايعوزينوۆ.
جينالعان ماتەريال تابيعات پەن مەملەكەتكە كەلتىرىلگەن زياندى ەسەپتەۋ ءۇشىن ەكولوگيا دەپارتامەنتىنە بەرىلەدى, سودان كەيىن ءىس جۇرگىزۋ شەشىمىن قابىلداۋ ءۇشىن سوتقا جىبەرىلەدى.
وبلىس اۋماعىندا 13-15 قازان ارالىعىندا «جەر قويناۋىن قورعايمىز» جەدەل-الدىن الۋ ءىس-شاراسى وتكىزىلەدى. بۇل ءىس-شارا كەڭ تارالعان پايدالى قازبالاردى - قۇم, قيىرشىق تاس, ۇساق تاس جانە توپىراق, سونداي-اق قۇرامىندا التىنى بار كەندى زاڭسىز ءوندىرۋ فاكتىلەرىنىڭ الدىن الۋعا جانە انىقتاۋعا باعىتتالعان. وبلىستىڭ اۆتوجولدارىندا جۇك كولىك قۇرالدارىن تەكسەرۋ جۇزەگە اسىرىلادى.
