ايماقتار • 14 قازان، 2021

احاڭ مۋزەيى قالا قامقورلىعىنا الىندى

626 رەت كورسەتىلدى

الاشتىڭ اياۋلى پەرزەنتى احمەت بايتۇرسىن ۇلىنىڭ تۇرعان مۋزەي-ءۇيى ءالى كۇن­گە مەملەكەت قارا­ما­عىنا وتپەگەنى، تۇراقتى قار­جىلاندىرۋ كوزى بولما­عاسىن تاريحي نىساننىڭ جاعدايى مۇشكىل ەكەندىگى بۇعان دەيىن سان مارتە ايتىلىپ-جازىلعان بولا­تىن. تۇعىرلى تۇلعا­نىڭ 150 جىلدىق مەرەيتويى قارساڭىندا جۇرت­شى­لىقتى الاڭداتقان جايدىڭ ءتۇيىنى تارقاپ، مۋزەي قالا قامقورلىعىنا ءوتتى.

1988 جىلى احاڭ ەسىمى اقتال­عاننان كەيىن الماتىدا قايراتكەر تۇرعان ۇيلەر ىزدەس­تىرىلە باستادى. سول تۇستا بۇل ورىنداردى شولپ­ان اح­مەت­قىزى، گۇلنار مىر­­جاقىپ­قىزى، دانابيكە قا­رالدينالار انىق­تاپ بەرگەن. احمەت باي­تۇر­سىن­ ۇلى تۇردى دەگەن ءۇش ءۇي تا­بىلعانىمەن، ونىڭ ەكەۋىنىڭ ورنىنا جاڭا قۇرىلىس نىساندارى سالىنىپ كەتكەن. ال بۇل ۇيدە احمەت بايتۇرسىن ۇلى 1934-1937 جىلدار ارالىعىندا قىزى شولپاننىڭ قولىندا تۇر­عان. احاڭنىڭ كوزىندەي بول­عان جادىگەر قايراتكەردىڭ ءوز اتى­مەن اتالاتىن كوشەدە ورنا­لاسقان.

 اقجولتاي جاڭالىقتى قالا اكىمى باقىتجان ساعىنتاەۆ حابارلاپ، مۇراجاي-ءۇيدى قوعامدىق قوردان كوممۋنالدىق مەنشىككە بەرۋ تۋرالى قاۋلىنى مۋزەيگە تابىستادى.

«احمەت بايتۇرسىن ۇلى مۋزەي-ءۇيىنىڭ كەشەگە دەيىن شە­­شىل­مەگەن ماسەلەلەرى كوپ بول­دى. 1995 جىلى ا.بايتۇر­سىن­­ ۇلى اتىنداعى قوعامدىق قور­دىڭ قاراماعىنا بەرىلگەن مۇرا­جايدىڭ عىلىمي-مادەني دامۋىندا كوپ مۇمكىنشىلىكتەر بول­ماعانىن جاسىرا المايمىز. قوعامدىق قوردىڭ نىساندى ۇس­تاپ وتىراتىنداي قاۋقارى جوق ەدى. سول سەبەپتى دە قايراتكەردىڭ ۇلت ءۇشىن جاساعان قىزمەتتەرىن نەگىز ەتە وتىرىپ، ارىمەن قىزمەت ەتكەن تۇلعانىڭ مەم­لەكەتتىك قايراتكەر ەكەنىن ەسكەرسەك، بۇل كىسىنىڭ ارتىندا قالعان تاعى­لىم مەكتەبى جەكەمەنشىككە بەرىلۋى ورەسكەل قاتە ەدى. وسى قاتەنى تۇزەۋ ءۇشىن 2002 جىلدان بەرى باق-بەتىندە ماسەلە كوتە­رىلىپ كەلدى. احاڭ مۇراسىنا الاڭداعان زيالى قاۋىم دا بۇل جايعا ءۇن قوستى. ارادا 19 جىل وتكەننەن كەيىن تالاپ ەسكەرىلىپ، سول قاۋلى قولىمىزعا ءتيىپ وتىر»، دەيدى احمەت بايتۇرسىن ۇلى مۇرا­جاي-ءۇيىنىڭ ديرەكتورى رايحان يماحانبەت.

كەلەر جىلى كورنەكتى اعارتۋ­شىنىڭ تۋعانىنا 150 جىل تولادى. مەرەيتويعا دايىندىق بارىسىندا قوعام قايراتكەرى تۇرعان مۇراجاي-ءۇيدىڭ ايرىقشا قامقورلىققا الىن­عانى قۋا­نىش­تى جايت. حح عا­سىر­دىڭ باسىندا سالىنعان مۇ­راجاي عيماراتى رەسپۋبليكالىق ماڭىزى بار تاريح جانە مادەنيەت ەسكەرتكىشتەرىنىڭ مەملەكەتتىك تىزى­مىنە ەنگىزىلگەن. عيماراتتىڭ جالپى اۋدانى – 160 ش. م. مۇراجاي 1993 جىلى قۇ­رىلدى جانە 1998 جى­لى رەسمي تۇردە اشىلدى. مۇندا ا.بايتۇرسىن ۇلىنىڭ ءومىرى مەن شى­­عار­­ماشىلىعىنا قاتىستى 500-گە جۋ­ىق قۇندى ماتەريال ساق­تال­­عان.

سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

اۋىل ەڭبەككەرلەرىمەن جۇزدەستى

ساياسات • بۇگىن، 08:15

شەكارانىڭ شەبى بەرىك

قازاقستان • كەشە

ۇقساس جاڭالىقتار